تشقی ایشلر وزیرلیگی مسکو ده «کینگ ترویکای» ییغینی اداغی نینگ قوشمه اعلامیه‌سینی خوش قرشی‌لب و اونینگ اهالی نی ایسته‌گی اساسیده‌گی تینچلیککه ایریشیش اوچون جدی سوزلشوولر باشله‌نیشی گه آلغه بیر اَدیم دیگن.
مسکو ده آمریکا، روسیه، چین و پاکستان نماینده‌لری ییغین اداغی نینگ قوشمه اعلامیه‌سیده کیلیشیچه، مذکور مملکتلر اسلامی امارت قیته قوریلیشی گه قرشی‌لیک کورسه‌تیب و طالبان دن بهاری عملیات باشلمه‌سلیک‌لرینی سورهشگن.
تشقی ایشلر وزیرلیگی مذکور اعلامیه دن حمایت کورسه‌تیب ایتیشیچه، اسلامی جمهوریت تیزیمی افغانستان کبی بیر اجتماع ده سیاسی مشارکت، کثرت‌گرالیک، یشاوچیلر تینگلیگی و تیزیم و برقرارلیک سقله‌نیشی اوچون یالغیز بیر تیزیم دیگن.
مسکو ییغینی ادغی اعلامیه‌سیده اورغولنیشیچه، افغانستان توپراغیدن ترورچیلیک گروه‌لر آرقه‌لی باشقه مملکتلر خوفسیزلیگی نی تهدید قیلیش اوچون قوللنیلمه‌سی کیره‌ک. رواجلنگن ترویکای ییغینی اوتگن کون (پنج‌شنبه ۲۸- حوت) مسکو ده یولگه قوییلدی.
مذکور ییغین اداغیده رواجلنگن ترویکای اعضالری ۱۰ ماده‌لیک قوشمه بیر اعلامیه صادر قیلدی.
مذکور اعلامیه ده ۴ کلیدی مملکتلر آمریکا، روسیه، چین و پاکستان نماینده‌لری اورغولشیچه، افغانستان اسلامی امارت قیته قوریلیشی‌دن حمایت قیلمه‌یدیلر. شونینگدیک اولر افغانستان ده انسان حقلری، عیاللر حقلری و اقلیت‌لر حقلری سقله‌نیشی اوستیگه اورغوله‌گن.
اعلامیه‌ده برچه تامان‌لردن سوزلشوولرنی دواملی و عدالتلی بیر کیلیشوو و شونینگدیک تینچلیک تأمین‌لنیشی و زوروانلیکلر یوقاری کیتیشی نی آلدینی آلیش اوچون تیزلشتیریش‌لری سوره‌لگن.