اسلام امیرلیگی عالی اوقوو وزیرلیگی، افغانستان ده علمی فعالیتلر کوچلنیشی مقصد، «نبوی سنتی طبابت» فاکولتهسی آچیلیشیدن خبر بیرگن.
اوشبو وزیرلیک سوزلاوچیسی ضیاءالله هاشمی، اوتگن کون (۱۳-دلو، دوشنبه)، اکس صحیفهسیده یازیشیچه، نبوی سنتی طبابت فاکولتهسی اسلام امیرلیگی رهبری شیخ هبتالله آخوندزاده بویروغی اساسیده، کابل ده ابو علی سینای بلخی بیلیم یورتی توزیلمهسیده آچیلهدی.
جناب هاشمیگه کوره، مذکور فاکولتهنینگ تشکیل ایتیلیشی ساغلیقنی سقلش بیلیملری رواجلنیشی و مسلکی کدرلرنی تعلیم بیریشده مهم رول اوینهیدی.
شونینگدیک بوندن آلدین هم اسلام امیرلیگی عالی اوقوو وزیرلیگی، ۱۴۰۲-ییلده دولتی بیلیم یورتلر دایرهسیده ۱۳ ته ینگی فاکولتهنینگ تشکیل ایتگنینی معلوم قیلگن ایدی.
