اسلام امیرلیگی معلومات و مدنیت وزیرلیگی سرپرستی، روسیه نینگ سنت‌پترزبورگ شهریده «فرهنگ‌لر اتحادی» ییغیلیشی یانیده، اۉزبېکستان مدنیت وزیری بیلن اوچره‌شگن.
سرپرست حکومت معلومات و مدنیت وزیرلیگی ۲۳-سنبله، جمعه کونی ایکس صحیفه‌سیده بیر بیانیه ترقه‌تیب، بو وزیرلیک سرپرستی خیرالله خیرخواه، روسیه نینگ سنت‌پترزبورگ شهریده «فرهنگ‌لر اتحادی» ییغیلیشی یانیده، قۉشنی اۉزبېکستان مدنیت وزیری آزاد بیک نظر بیک‌اوف بیلن اوچره‌شیب، ایکّی مملکت نینگ مذهبی، تاریخی و فرهنگی مناسبتی حقیده بحث اېتگنینی یازگن.
بیزلرنینگ فیسبوک صحیفه‌میزگه باش اورینگ!
مذکور وزیرلیک نینگ کوپه‌یتیریشیچه، تامانلر ایکّی مملکت نینگ قۉشمه فرهنگی مناسبتی اینیقسه مذهبی، تاریخی و فرهنگی همده قول صناعتی و سیاحتچیلیک صناعتی رواجلنیشی گه تأکیدلشگه قۉشیمچه افغانستان و اۉزبېکستان نینگ فرهنگ‌لری تانیشتیریلیشی اوچون کابل و تاشکینت ده اۉتکزیلگن کورگزمه‌لرنی اونملی دیب بهاله‌گنلر.
بو اوچره‌شووده، اسلام امیرلیگی معلومات و مدنیت وزیرلیگی سرپرستی خیرالله خیرخواه، افغانستان و اۉزبېکستان نینگ قۉشمه مذهبی، تاریخی و فرهنگی مناسبتی بولیب و ایکّی مملکت اۉرته‌سیده سیاحتچیلیک صناعتی رواجلنیشی اوستیگه تأکید اېتگن.
شونینگدیک بو اوچره‌شووده، اۉزبېکستان مدنیت وزیری، ایکّی مملکت نینگ فرهنگی و سیاسی مناسبتی گه اشاره قیلیب، حاضرگی کونده افغانستان و اۉزبېکستان مناسبت‌لری مستحکم‌لنیشی اوچون شرایط یره‌تیلگنینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
نظربیک‌اوف جنابلری، بو ایکّی مملکت نینگ همکارلیگی و اورتاق‌لیک مناسبت‌لری همده سیاحتچیلیک صناعتی رواجلنیشی اوچون سعی-حرکت قیلیشیدن ایشانچ بیلدیرگن.
افغانستانده اسلام امیرلیگی حاکمیتیدن اوچ ییلدن کوپ اوتماقده اېکن دنیا مملکت‌لری اینیقسه اۉزبېکستان دولتی حاضرگه قدر اسلام امیرلیگینی رسمی تن آلگن بولمسه ده، بیراق بو مملکت بیلن تورلی ساحه‌لرده همکارلیگی گه دوام بیریب کېلماقده.
