اسلام امیرلیگی ساغلیقنی سقلش وزیرلیگینینگ ایتیشیچه، ساغلیقنی سقلش وزیری نورجلال جلالی، هندوستاننینگ رسمی دعوتی بیلن بیر هیئت باشچیلیگیده بو مملکت گه جونب کیتگن.
اوشبو وزیرلیکنینگ بوگون (۲۵-قوس، سهشنبه)، بیر بیانیه آرقهلی یازیشیچه، بو سفر ایکی مملکتنینگ ساغلیق بوییچه همکارلیکلری مستحکملنیشی، تجربهلر المشتیریلیشی و قوشمه سعیوحرکتلر هماهنگلیگی مقصد، عملگه آشیریلیب و نیچه کونگچه دوام قیلیشی ممکن.
بیانیهده کیلیشیچه: «بو سفر جریانیده، هندوستاننینگ تورلی رسمیلری اینیقسه ساغلیقنی سقلش بولیمی مسئوللری بیلن جناب وزیرنینگ اَیری اوچرهشوولر اوتکزیشی و تنظیملنگن دستورلردن قطاریگه شرکت قیلیشی ممکن.»
شونینگدیک نورجلال جلالی، افغانستاننینگ ساغلیقنی سقلش خادملری اوچون ظرفیت آشیریلیش امکانیتلری یرهتیلیشی، افغانستان گه ستندرد دارولر وارد بولیشی، طبی جهازلر و باشقه تیگیشلی موردلر توغریسیده، بیر قطار ییغیلیشلر اوتکزهدی.
