بوگون (دوشنبه ۵- عقرب) هرات حاکمی سوزلاوچیسی جیلانی فرهاد نینگ سلام‌وطندارگه ایتیشیچه، بو ولایت بلدیه باشلیغی غلام حضرت مشفق و اونینگ ۹ همکاری اوشبو ولایت مقامی نینگ همکارلیگی بیلن ایچکی ایشلر وزیرلیگی نینگ آغیر جرم‌لر هیأتی تامانیدن دولتی درآمدلر توغریسیده فساد گه عیب‌لب اوشلب آلینگن.
اونگه کوره، مذکور کیشیلر بلدیه نینگ میلیون‌لرچه درآمدی نی اوغیرلش گه عیب‌دار تانیلگن.
هرات یشاوچی‌لری بو ولایت نینگ درآمد کیلتیرووچی اداره‌لری اینیقسه بلدیه و گمرک که فساد بارلیگیدن شکایت قیلیب ایتیش‌لریچه، کونده بو اداره‌لرده دولت نینگ میلیون‌لرچه درآمدی اوغیرلنه‌دی.
بیراق ایچکی ایشلر وزیرلیگی سوزلاوچیسی طارق آرین نینگ توییتر صحیفه‌سیده یازیشیچه، هرات بلدیه باشلیغی ۹ همکاری بیلن اداری فساد و رشوت آلیش گه عیبله‌نیب پولیس آرقه‌لی قولگه آلینگن.