اسلام امیرلیگی فواید عامه وزیرلیگی سوزلاوچیسی محمداشرف حقشناسنینگ اعلام قیلیشیچه، کابل-جلالآباد قتناو یولی اصلی مسیری ترافیک یوزیگه یاپیلیب و عادی شکلده فرعی یول آرقهلی نقلیه واسطهلر باریب-کیلیشینینگ دوامی بار.
حقشناس، ۱۳-حمل، پنجشنبه کیچه کیچ قورون اکس صحیفهسیده یازیشیچه، کابل-جلالآباد قتناو یولیده یاغینگرچیلیکنینگ دوامی بار و اوشبو قتناو یول حدودلریده جایلشگن «تنگی غارو» ساحهسیده، کته-کیچیک تاشلر سرک اوستیگه توشیب کیتگن.
اونینگ کوپهیتیریشیچه: «عزیز اولکهداشلرنینگ تینچ شکلده باریب-کیلیشی مقصد، فواید عامه وزیرلیگی آرقهلی تنگی غارو ساحهسیده مذکور قتناو یولنینگ اصلی مسیری ترافیک یوزیگه یاپیلیب و فرعی یولدن نقلیه واسطهلرنینگ باریب-کیلیشی عادی شکلده دوام قیلماقده.»
فواید عامه وزیرلیگی سوزلاوچیسی، یشاوچیلر و هیداوچیلردن نیاز بولمهگنی صورتده اینیقسه کیچه تامان، بو یولدن اوتیب-قیتمسلیکلرینی سورهگن.
