سۉنگی یوز ییل دوامیده کوزهتیلمهگن درجهده اوزاق دوام ایتهدیگن قویاش توتیلیشی میلادی ۲۰۲۷-ییل ۲ آگست کونی صادر بولهدی.
بو حقده «دیلی گلَکسی» نشری ناسا پیشبینلیکلریگه تیهنیب خبر بیردی.
معلوماتلر گه کوره، اوشبو نایاب نجومی حادثه پیتیده ایریم مملکتلرده کوندوز وقتی آلتی دقیقهدن سل کوپراق مدت گه دییرلی تولیق تونگه ایلنهدی. آی سایهسی اروپا، شمالی افریقا و یقین شرق حدودلری اوزره حرکتلنهدی.
معلوماتلر اساسیده، تولیق قویاش توتیلیشی مراکش و اسپانیا جنوبیدن باشلنیب، جزایر، تونیس و لیبیا آرقهلی اوتیب، مصر حدودینی دییرلی تولیق قمرهب آلهدی. کېین اېسه سایه یقین شرق تامان یونهلهدی.
اېنگ قولی و تأثیرلی کوزهتو شرایطی مصرنینگ لوکسار و اسون شهرلریده بولیشی کوتیلماقده. بو جایلرده کوندوزگی قرانغولیک ۶ دقیقهدن آرتیق دوام اېتیب، ۲۱ عصردهگی اېنگ اوزاق تولیق قویاش توتیلیشی صفتیده تاریخ گه کیریشی ایتیلماقده.
قویاش توتیلیشی پیتیده بیر قطار غرایب منظرهلر کوزهتیلهدی؛ قویاش آی آرتیده بوتونلی یوقالهدی، هوا حرارتی سیزیلرلی پسیهدی، آسمان ده یولدوزلر کورینه باشلهیدی و قویاشنینگ تشقری قتلمی – قویاش تاجی یققال نمایان بولهدی.
معلوماتلر گه کوره، تولیق قویاش توتیلیشینینگ دوامیلیگی ییر، آی و قویاشنینگ اوزارا جایلشوویگه باغلیق. میلادی ۲۰۲۷-ییلده اوشبو جایلشو دییرلی مکمل بولهدی، شو سببلی قویاش توتیلیشی ۶ دقیقه ۲۳ ثانیه دوام ایتهدی. شونگه یقین مقیاسدهگی کېینگی حادثه فقط میلادی ۲۰۴۵ ییلده کوزهتیلیشی کوتیلماقده.
