اسلام امیرلیگی، قیزیل دینگیز بابالمندب بوغوزیده سعودی عربستاننینگ ایکی نفت تانکریگه اویوشتیریلگن هجومنی قارهلهگن.
اسلام امیرلیگی سوزلاوچیسی عبدالقهار بلخی، ۱ اسد/۲۳ جولای، پنجشنبه کیچه ایکس اجتماعی ترماغیده بیر بیانیه ترقهتیب، افغانستان اسلام امیرلیگی خلقارا دینگیزلر یونهلیشلری امنیتی تأمین ایتیلیشی، آزاد کیمه یوریشلر کفالتلنیشی و خلقارا سوداگرلیک دوام ایتتیریلیشی و بوتوغریدهگی هر قندهی تهدیدلر آلدی آلینیشیگه طرفدار ایکنینی بیلدیرگن.
بیانیه گه کوره، افغانستان اسلام امیرلیگی برچه تامانلردن اوروش و کیسکینلیکلر گه آلیب کیلهدیگن هر قندهی حرکتدن واز کیچیب و قرمه قرشیلیکلر مذاکرهلر آرقهلی حل قیلینیشینی ایستهیدی.
یمن حوثیلری، اوتگن کون سعودی عربستاننینگ ایکی نفت تانکری قیزیل دینگیزده محاصره قاعدهسینی بوزگنلیگی سببلی بالستیک و کروز راکتهلری همده درانلر آرقهلی نشانگه آلینگنینی ایتگن ایدی.
