سرپرست حکومت تشقی ایشلر وزیرلیگی دوحه ییغیلیشی ده قتنهشیش اوچون اسلام امیرلیگی نینگ وکیل تعیینلنگنیدن خبر بیرگن بیرحالده، سرپرست حکومت سۉزلاوچیسی ذبیحالله مجاهد، وکیللری نینگ دوحه اوچینچی ییغیلیشی ده قتنهشووی یا که قتنشمسلیگی نهایی بولمهگنینی معلوم قیلگن.
مجاهد نینگ کوپهیتیریشیچه: «دوحه ییغیلیشی ده قتنهشیش نهایی بولمهگن، بوتوغریده نهایی بیر قرار گه کېلگن حالده، به تفصیل معلومات بیرهمیز.»
برچهسی بیلن، اسلام امیرلیگی تشقی ایشلر وزیرلیگی ۹-جوزا، چهارشنبه کونی سرپرست حکومت نینگ دوحه اوچینچی ییغیلیشی ده قندهی قتنهشووی گه دایر ییغیلیش اۉتکزیش بیلن، بو ییغیلیش ده اشتراک اېتیش اوچون ییغیلیش ده آلینهدیگن قرارنی کوتماقدهلیگینی اېتگن اېدی.
بیزلرنینگ فیسبوک صحیفهمیزگه باش اورینگ!
تشقی ایشلر وزیرلیگی نینگ سیاسی ایشلر بوییچه اوچینچی باشلیغی ذاکر جلالی، دوحه اوچینچی ییغیلیشی ده بیرینچی و ایکّینچی ییغیلیش گه نسبتن کوپ اۉزگریش کېلتیریلگنلیگی سېزیلهدی و ییغیلیش دستوری ده اساسی قیینچیلیک یوق.
تشقی ایشلر وزیرلیگی نینگ بیانیهسی اساسیده، اوشبو ییغیلیش ده مالی و بانکی، بنگیوار مادهلر گه قرشی کورهش، دهقانلر گه بدیل تاپیش، خصوصی بولیم ترقیاتی و اقلیم اۉزگریش مسئلهلری بحث گه آلینیشی کوتیلهدی.
برچهسی بیلن، اۉتگن کون بیرلشگن ملتلر تشکیلاتی باش کاتبی نینگ سۉزلاوچیسی استفان دوجاریک اۉز بیاناتیده، دوحه ییغیلیشی ده کوپراق انسان حقلری و افغانستانلیک خاتین قیزلر نینگ حقوقی حقیده بحث اېتیلیشی ممکن دیگن.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمانلر، اسلام امیرلیگی عملدارلری نینگ دوحه ییغیلیشی ده اشتراک اېتیش اوچون تیارگرلیک کورهیاتگنلرینی اوشبو ییغیلیش ده اولر نینگ اشتراک اېتیش گه علاقهمندلیکلریدن درک بیریش عنوان قیلهدیلر.
سیاسی ایش بیلرمان محمود اضطرابی گه کوره، اسلام امیرلیگی دوحه ییغیلیشی ده قتنهشیش اوچون نماینده تعیینلشی، دنیا همجمعیت یاشیرینچ طرزده اولر گه امتیاز نظرگه آلگنلیگی ممکن.
اونینگ ایتیشیچه: «دوحه ییغیلیشی ده قرار قبول قیلووچیلر یاشیرینچ طرزده اسلام امیرلیگی نینگ بیرقطار اېستکلری یا که پیششرطلریدن بعضیلرینی قبول قیلگنلیگی ممکن، سابق اۉتکزیلگن مذاکرهلرده اسلام امیرلیگی قتنهشوو اوچون هېچ علاقه کورستمهگن اېدی، چونکه اسلام امیرلیگی نینگ هېچ بیر اېستهگی اعتبار گه آلینمهگن اېدی.»
ایتیش کېرهک، قطر تشقی ایشلر وزیری بوگون تهران ده اسلام امیرلیگی باش وزیری نینگ اقتصادی اۉرین باسری بیلن اوچرهشووی ده، دوحه ییغیلیشی اسلام امیرلیگی وکیلی نینگ حضورسیزلیگی بیلن نتیجه بیرمسلیگینی بیلدیرگن.