نماینده‌لر کینگشی افغانستان پولی نینگ حمایتچیسی بولگن باختر آلتین خزینه‌سی تالان ایتیلگن خواطر بیلدیریب ایتیش‌لریچه، بو خزینه خوف بیلن روپه‌رو بولگن.
بوگون (چهارشنبه ۸- دلو) عمومی ییغینده نماینده‌لر کینگش باشلیغی میررحمان رحمانی و مذکور کینگش اعضالریدن قطاری خواطر بیلدیریب ایتیش‌لریچه، افغانستان پولی نینگ حمایتچیسی بولگن باختر آلتین خزینه‌سی، خوف بیلن روپه‌رو بولگن و اونینگ حامدکرزی خلق‌ارا هواقونالغه‌سی آرقه‌لی مملکتدن تشقی قاچاق ایتیلیشی خصوصیده هیچ تضمین یوق.
جناب رحمانی نینگ اورغولشیچه، باختر آلتین خزینه‌سی امانت شکلده ایشانچلی مملکت‌لردن بیری گه انتقال بیریلیشی کیره‌ک. اونگه کوره، مرکزی بانک ایشانچلی ایمس.
باختر خزینه‌سی ۱۳ ییل تشقی مملکت‌لرده کورگزمه گه قوییلگندن کیین ۳۵۰ میلیون عاید بیلن قیته‌دن افغانستان گه انتقال بیریلدی. مذکور خزینه دنیا نینگ اینگ کتته آلتین خزینه‌سی حسابلنه‌دی کیم ۴۲ ییل آلدین جوزجان مرکزی شبرغان شهری نینگ شمالیده قرار تاپگن «طلاتپه» منطقه‌دن کشف ایتیلدی.