صناعت ملی هفتهسی تورتینچی کورگزمهسی، صناعت، ایچکی تولیدلر و محصولاتلرنی قۉللب-قوتلش مقصدیده، اسلام امیرلیگی ییریک رسمیلری، تشقی ایلچیخانهلرنینگ بعضی دیپلماتلری، خصوصی سکتور وکیللری، صناعتچیلر و سرمایه یاتقیزووچیلر حضوری بیلن کابلده آچیلدی.
بو گورگزمه، بوگون (۶-جوزا، سهشنبه) آچیلیب و ییتّی کونگچه دوام تاپیشی کوتیلهدی.
اوشبو کورگزمهده آزیق-آوقت و نا آزیق-آوقت محصولاتلری، ایچیملیکلر، قالین، سوت محصولاتلری، الکولسیز ایچیملیکلر، برقی جهازلر، اوی اوسکونهلری و عیاللرنینگ قول صناعتی کورگزمه گه قوییلگن.
اسلام امیرلیگی باش وزیرینینگ اقتصادی اورین باسری عبدالغنی برادر، اوشبو کورگزمهنی آچیش مناسبتی بیلن اۉتکزیلگن احتفالده، بو کورگزمه صناعت و مملکت ایچیده ایشلب چیقریلگن محصولاتلرنی قۉللب-قوتلش مقصدیده اۉتکزیلگنینی معلوم قیلگن.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «بیز وارد قیلیشدن، باسقیچمه-باسقیچ واز کیچیب ایچکی ایشلب چیقریشده اۉز-اۉزیمیزنی تأمینلش سری حرکت قیلیشیمیز کېرهک. یورت ترقیاتی اوچون اساسی قدملرنی قویشیمیز و صناعتنی قۉللب-قوتلشیمیز مهم دیر.»
اسلام امیرلیگی باش وزیرینینگ اداری اورین باسری عبدالسلام حنفی، صناعتچیلردن ایچکی محصولاتلرنینگ صفتی اوستیگه کوپراق دقت قیلیشلرینی اېستهگن. اونینگ ایتیشیچه: «صناعتچیلردن اېستهگیمیز شو که، ایچی ایشلب چیقریشده صفت گه اعتبار بیرسینلر. صفتسیز محصولاتلرنی نه ایچکریده ایشلب چیقرسینلر، نه چیت ایلدن آلیب کېلسینلر.»
صناعت و سودا وزیرلیگینینگ سرپرستی نورالدین عزیزی، سالم رقابت ضرور اېکنلیگیگه تأکیدلب، سوداگرلردن احتکار قیلمسلیکلرینی سورهگن.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «محصولاتلر قمراوگه آلینمسلیگی کېرهک. بازارده تقدیم اېتیلهیاتگن توارلرنینگ نرخی آشمسلیگی لازم. مسئوللردن اېستهیمیز نرخلرنی آشیرمسدن صفتنی سقلب قالسینلر.»
اوشبو کورگزمهده اشتراک قیلگن صناعتچیلردن بعضیلری، محصولاتلرینی ساتیش و بازار قیدیریش اوچون بو کبی کورگزمهلر اۉتکزیلیشینی مهم دیب بهالهیدیلر.
بو کورگزمهده غرفهسی بولگن فریداحمدنینگ ایتیشیچه: «اوشبو کورگزمه ایجابی تأثیر کورستماقده. آدملر مملکتنینگ تورلی حدودلریدن کېلیشماقده و بو اېسه ایچکی محصولاتلر رواجلنیشی و مملکت اقتصادی آشیشی گه سبب بولهدی.»
کورگزمه تشکیلاتچیلری، مملکت ایچیده ایشلب چیقریلگن محصولاتلر صناعت ملی هفتهسی کورگزمهسیده ۷۰۰ دن آرتیق غرفهده نمایش گه قوییلگنینی اېتهدیلر.
