بوگون (۲۶-عقرب، دوشنبه)، کابل ده اسلام امیرلیگی رسمیلری حضوری بیلن، ییتی کونلیک امام ابوحنیفه ملی و خلقارا تورتینچی کورگزمهسی آچیلگن.
اوشبو کورگزمهنینگ آچیلیش مراسمیده اسلام امیرلیگی سودا و صناعت وزیری نورالدین عزیزینینگ ایتیشیچه، افغانستان حاضر ۸۰ دن آرتیق مملکت بیلن سوداگرلیک آلیش-بیریش قیلماقده. اونینگ کوپهیتیریشیچه: «سونگی سفریمیزده چابهار بیلن یخشی ترانسپورت گه ایگه بولیش مقصد، ایران بیلن ۳۳ کیلیشوونامه امضالهدیک؛ چابهار آرقهلی یالغیز افغانستان ترانزیتی عملگه آشیریلمهیدی، بلکیم چابهار برچه اورته آسیا مملکتلرنینگ ترانزیت یولی دیر.»
عزیزینینگ اورغولشیچه، اسلام امیرلیگی سوداگرلیک آلیش-بیریش آشیشی و بازار نیازلری تامینلنیشی اوچون، برچه مملکتلرگه باغلهنیش مقصد تیمیر یولی دهلیزی صفتیده میلک یولینی تیارلشگه سعیوحرکت قیلماقده.
ایکینچیلیک، سووغاریش و چاروهچیلیک وزیزی عطاءالله عمری، افغانستان زراعتینینگ زمانهویلنیش تامان حرکتده بولگنینی بیان قیلگن. او، سوداگرلردن دنیا بازارلریده افغانستان تولیدلرینینگ یخشیلنیشی مقصد، صفتلی محصوللر تولید قیلیشلرینی ایستهگن. «چاروهچیلیک، ایکینچیلیک و باشقه بولیملرده برچه مملکتلر بیلن یخشی معامهلرگه تیارمیز؛ لیکن اهالی و خلقارا مشتریلر ایشانچینی قولگه کیلتیریش اوچون بیر ایش قیلیشیمیز کیرهک که محصوللریمیز برندلشسین.»
شونینگدیک کابل ده ایران ایلچیسی علیرضا بیکدلینینگ ایشانچ بیریشیچه، مملکتی سوداگرلیک و اقتصادی ثباب توغریسیده افغانستان بیلن همکارلیک قیلیشگه متعهد دیر. بیکدلیگه کوره: «ایراننینگ ترانزیتی امکانیتلری جملهدن چابهار و عباس بندری و ایران چیگرهلری، خواف-هرات تیمیر یولی، افغانستان اهالیسی خذمتیده دیر. ایران سوداگرلرینی بوندن کوپراق فعال شکلده، افغانستان ده سرمایه یاتقیزیشگه چقیرهمیز.»
کابل ده ایران ایلچیسی، بانکی کاناللر یرهتیلیشی، ترجیحی تجارت کیلیشووی، چیگره بازارچهلری رواجلنیشی و ایکی مملکت آرهسیده آلیش-بیریش جریانلری تیزلنتیریلیشی توغریسیده اسلام امیرلیگی و ایراننینگ جدی شکلده توجه قیلیشینی سورهگن.
باشقه بیر تاماندن، امام ابو حنیفه کورگزمهسیده توارلرینی نمایش گه قویگن غرفهدارلردن قطارینینگ ایتیشیچه، اونینگ اوتکزیلیشی محصوللری ساتیلیشی اوچون یخشی بیر امکانیتنی یرهتگن.
غرفهدارلردن مسیح آریننینگ ایتیشیچه: «اولکهده ایشلب چیقریلگن توارلرنی بو ییرگه کیلتیرگنمیز؛ برچهسی افغانستان عیاللری محنتی بیلن تولید بولگن. مملکن چیتایللیکلر کورسه و محصوللریمیز ساتیلسه.»
غرفهدارلردن باشقه بیری زرلشتگه کوره، اوشبو کورگزمهده محصوللریگه ساتیلیش زمینهسی یرهتیلیشینی کوتیب تورگن. «محصوللریمیز کییم و تقینچاق دیر. بو کبی کورگزمهلر محصوللریمیز ساتیلیشی اوچون جودهیم یخشی دیر.»
امام ابو حنیفه تورتینچی کورگزمهسیده، افغانستان، ایران، اوزبیکستان، قزاقستان و باشقه بیر قطار مملکتلرنینگ توارلری قریب ۴۰۰ غرفهده نمایش گه قوییلیب و اولردن ۶۵ تهسی عیاللرگه اختصاص بیریلگن.
