فاریاب معارف ریاستیده مسئوللر، اوشبو ولایتنینگ بیر قطار تومنلریده ۱۲ ته باشلنغیچ مکتبنینگ قوریلیش ایشی باشلنگنیدن خبر بیرگنلر.
فاریاب معارف باشلیغی محمدطاهر جوادنینگ ایتیشیچه، مذکور مکتبلر اوشبو ولایت مرکزی میمنه شهری، پشتونکوت، شیرینتگاب، المار، قیصار، خواجه موسا، خیبر و اندخوی تومنلریده قوریلهدی.
بیزلرنینگ فیسبوک صحیفهمیزگه باش اورینگ!
جناب جواد گه کوره، بو مکتبلر اوچون ۶، ۸ و ۱۲ درسی صنف نظرگه آلینیب و اساسی شکلده آلتی آیده قوریلیشی ممکن.
شوندهی بیرحالده، اسلام امیرلیگی معارف وزیرلیگی سرپرستی حبیبالله آغا، فاریاب ولایتیگه قیلگن سفریده، اوشبو مکتبلرنینگ تمل تاشینی قویگن.
معارف وزیرلیگی سرپرستینینگ ایتیشیچه، بیر و ایکی قوتلی شکلده قوریلهدیگن مذکور مکتبلرنینگ توپلم خرهجتی ۱۷۸ میلیون ۹۸۰ مینگ افغانی بولیب و ناروی مملکتی آرقهلی توللنهدی.
بیزلرنینگ «ایکس» ترماغی ده هم تعقیب قیلینگ!
حبیبالله آغا، فاریاب گه قیلگن سفریدن مقصد، بو ولایتده تعلیم وضعیتی و معارف بوییچه رسمی ایشلرنی تیکشیریش دیب، دینی و زمانهوی بیلیملر همده ییگیتلرنینگ ساغلام تربیهلشیگه تاکید قیلگن.
ایتیلیشچه، جاری ییل جریانیده فاریاب ولایتیده اوشبو مکتبلر شامل ۱۸ ته مکتبنینگ قوریلیشی ممکن.
