اروپا اتفاقی افغانستان بولیمی، بو مملکت یشاوچیلرینی قۉللب-قوتلش اوچون سویس ترقیات و همکارلیک ادارهسی بیلن بیر میلیون ۵۰۰ مینگ یورولیک شرطنامه امضالهگن.
اوشبو نهاد، بوگون (۱۹-سنبله، چهارشنبه) بیر بیانیه ترقهتیب، بو شرطنامه افغانستانده «اقلیم و اجتماعی اوزگریشلر گه چیدهملی حیات» لایحهسینی قۉللب-قوتلش اوچون امضالنگنینی بیلدیرگن.
اروپا اتفاقینینگ بیانیهسیده بوندهی کېلگن: «بو ینگی بودجه، سویس ترقیات و همکارلیک آژانسینینگ سکیز میلیون دالرلیک تولیق یاردمی دیر و افغانستانده اقلیم اوزگریشلری و چیدهملی حیات ساحهلریده صرفلنهدی.»
اروپا اتفاقی، اوشبو لایحهنینگ عملگه آشیریلیشی افغانستان یشاوچیلریگه اطراف-محیطنینگ بوزیلیشی، قشاقلیک و دور (چرخه)نی بوزیشگه یاردم بیرهدی.
افغانستان اقلیم اوزگریشلریگه نسبتن ضعیف مملکتلردن بیری بولیب، اطراف-محیط نی محافظه قیلیش ملی اداره گه کوره، اقلیم اوزگریشینینگ سلبی تأثیرلریگه قرشی کورهشیش و اولرنی کمهیتیریش اوچون ۲۲ میلیارد دالر ضرور.
