سلاموطندارنینگ صناعت بولیمیده فعالیتی بولگن ۲۳ یاش بیلن اۉتکزگن صحبتی اساسیده، یاش صناعتچیلر مالی حمایت بولمسلیگی، جمعیتده کمسیتیلیش، ایش امکانیتلریدن فایدهلنه آلمسلیک و اثرلرینی ساتیشده قیینچیلیک بیلن روپهره دیر.
بو گزارشده، تورلی ولایتلردن ۱۳ صناعتچی قیز و ۱۰ صناعتچی ییگیت اشتراک اېتگن. ۱۲ نفری نقاشلیک بولیمی، ییتّی نفری رساملیک و باشقه تورت نفری خطاطلیک بولیمیده فعالیت قیلهدیلر. اوشبو گزارشده صحبت قیلگن یاشلر، ایشلری برابریدهگی قیینچیلیک باعث اثرلرینی آنلاین شکلده کورگزمه گه قوییب و اوشبو یول بیلن اثرلری اوچون بازار قیدیرماقدهلیکلرینی اېتگنلر.
کابللیک ۲۱ یاشر گلثوم، تورت ییلدن بیری نقاشلیکّه یوز کېلتیرگن ایتیشیچه، ایش امکانیتلریدن فایدهلنه آلمسلیک همده اجتماعی و فرهنگی چېکلاولر ایشی گه سلبی تأثیر قویگن. اونینگ کوپهیتیریشیچه: «خلاقیت و صناعت یرهتیش اوچون فضا تار بولگن؛ اجتماعی و فرهنگی چېکلاو، دستلبکی نرسهلردن فایدهلنه آلمسلیک و صناعتچیلر قۉللب-قوتلنمسلیگی، فعالیتلریم کمهیشی گه سبب بولگن.»
کابل یشاوچیلریدن ۱۸ یاشر سمیر نقاشلیک بولیمیده فعالیت قیلهدی ایتیشیچه، سرپرست حکومت تامانیدن یرهتیلگن چېکلاولر باعث، قیینچیلیکلر و جمعیتدهگی اېتیلمهگنلرنی چیزیش اوچون قیینچیلیک بیلن دوچ دیر. اونگه کوره: «گالریم گه کېلیشدی جانلی نرسهلرنینگ صورتی گالریده بولمسلیگینی اېتدیلر؛ چونکه اولرنینگ ایشانچی گه کوره، جانلی نرسهلرنینگ صورتی حرام دیر؛ حتا ایکّی هفتهگچه گالریم ایشیگینی یاپیب قویدیلر و قیزلر اوچون صناعت اورگهتیش گه رخصت بیرمهدیلر.»
بیزلرنینگ فیسبوک صحیفهمیزگه باش اورینگ!
صناعتچیلر قۉللب-قوتلنمسلیگی و یشاوچیلرنینگ صناعتی اثرلرنی ساتیب آلیش گه قیزیقمسلیگی، یاش صناعتچیلرنینگ بو ایش گه قیزیقمسلیکلری گه سبب بولگن.
پنجشیر یشاوچیسی ۱۸ یاشر وزیرمحمد، بازار یوقلیگی اوچون کوپینچه خطاطلیک اثرلری یوق بولگنینی معلوم قیلهدی. اونینگ کوپهیتیریشیچه: «صناعتچیلرنینگ اساسی قیینچیلیگی اقتصاد، بویورتمه یا-ده لایحه یوقلیگی؛ کورگزمهلر اوتکزیلمسلیگی و سودا اوچون بازار یوقلیگی دیر.»
لوگردهگی نقاشلردن بیری تمنا گه کوره: «اېنگ کتّه قیینچیلیک قۉللب-قوتلنمسلیک، سودا اوچون بازار یوقلیگی و بویورتمه بیریلمسلیگی دیر.»
بو گزارشده صحبت قیلگن یاشلر، ایشلری برابریدهگی برچه قیینچیلیکلر گه اعتبار بیرمسدن؛ اثرلری اوچون آنلاین ریکلاملر بیلن ایشلرینی رواجلنتیریش گه سعی-حرکت قیلماقدهلیکلرینی اېتهدیلر.
بیزلرنینگ «ایکس» ترماغی ده هم تعقیب قیلینگ!
کابللیک خاطره، سکیز ییلدن بیری نقاشلیک ایشلری بیلن مصروف دیر ایتیشیچه، آنلاین ریکلاملر بیلن اثرلری گه خریدار تاپیش اوچون سعی-حرکت قیلماقده. خاطره گه کوره: «آنلایننی یخشی امکانیت دیب بیلهمن؛ صناعتچیلر بو یول بیلن اثرلرینی کورگزمه گه قوییب و قیزیقهدیگن آدملرنی تاپیشلری ممکن.»
لوگرلیک ۱۸ یاشر احمدمسلم، اجتماعی ترماقلرنی رساملیک و خطاطلیک اثرلری گه بازار قیدیریش اوچون تنلهگن ایتیشیچه: «اجتماعی ترماقلر آرقهلی اثرلریمیزنی باشقهلر گه کورسهتیب ینگی مخاطب تاپیب و حتا درآمد منبع بولیشی ممکن.»
صناعت ساحهسیده ایش بیلرمانلر، تورلی بولیملرده صناعت اثرلری یرهتیلیشینی مهم دیب، صناعتچیلر قۉللب-قوتلنمسلیگی افغانستان صناعتی و تاریخی اونیتیلیشی گه سبب بولیشینی معلوم قیلهدیلر.
نقاش و رساملیک استادی مسعود عزیزی گه کوره: «صناعت بولمهگنده خلاقیت کمیهدی، مناسبت سطحی بولیب و آدملر تویغولرینی اېتیشده قیینچیلیک بیلن دوچ بولهدی نهایت، صناعتسیز بولگن جمعیت اجتماعی نقطهی نظریدن قیینچیلیک بیلن روپهره بولهدی.»
برچهسی بیلن، سرپرست حکومت معلومات و مدنیت وزیرلیگی سۉزلاوچیسی خبیب غفراننینگ ایتیشیچه، بو وزیرلیک صناعت رواجلنیشی و صناعتچیلر قیینچیلیگی حل اېتیلیشی اوچون کوپ سعی-حرکت قیلگن. اونینگ کوپهیتیریشیچه: «صناعت بولیمیده ایشلهیدیگن نهادلرنی هماهنگ قیلیش اوچون تلاش قیلهیپمیز، صناعتچیلر قیینچیلیگی حل اېتیلیشی و دایمی کورگزمهلر اوتکزیلیشی اوچون سعی-حرکت قیلماقدهمیز.»
سۉنگی اوچ ییلدن کوپراقده خاتین-قیزلرنینگ اوقیش و ایشی گه یرهتیلگن چېکلاولر طفیلی قیز اوقووچیلر و طلبهلرنینگ کوپینچهسی، صناعت بولیمی گه یوز کېلتیرگن بیرحالده، اوشبو یاش صناعتچیلر ایشلری کمرنگلیگیدن نالیماقدهلر.
