عقربهلر ایرتهلبکی ساعت ۱۰:۰۰ نی کورستهدی و شهرگه قویاش نوری ترقهلگن. کابل شهری قلعهی فتحالله سرکلریدن بیر چیکهسیده، بیر عیال سودا ساتهدیگن کراچیسی یانیده اولتیریب و موترلرنینگ اوتیب قیتیشیگه قرهب اولتیرگن.
او، کیچیک کراچیسی یانیدن بیران کیشی اوتیب و بیران نرسه ساتیب آلیشینی کوتیب تورگن. قیمتی ارزانراق بولگن بیر نیچه ییگولیکنی ساتیش امیدی، اونی شهرنینگ بو چیکهسیده قالیشیگه سبب بولگن که بو رقم، شام چاغی بیر نیچه افغانی بیلن اوییگه باره آلهدی.
۳۷ یاشر ریحانهنینگ ایتیشیچه، ۹ ییل آلدین اوشبو سرکده تورموش اورتاغینی قولدن بیرگن و حاضر ایسه ایکی بالهسی بیلن حیات کیچیریب و اولرنینگ نیازلرینی تامینلشی کیرهک. اونینگ ایتیشیچه، کون اوتیشی بیلن حیات کیچیریش اونینگ اوچون قیین بولیب و هر آی اوتیشی بیلن اوی کرایهسینی توللش هم بو قیینچیلیکنی کوپهیتیرهدی. «تورموش اورتاغیم شهید بولگنیدن بیری، مین اوزیم بالهلریم نیازلرینی تامینلش و اوی کرایهسینی تاپیش اوچون ایشلهیمن. تورت-بیش ییلدن بیری کرایی اویده حیات کیچیرهمیز.»
بیزلرنینگ «ایکس» ترماغی ده هم تعقیب قیلینگ!
ریحانه، هر کونی قویاش چیقیشی بیلن کیچیک کراچیسی تامان باریب و هوانینگ قرانغو بولمسدن آلدین هم قیته اوییگه بارهدی. ریحانهنینگ تورموش اورتاغی اولگنیدن کیین، بیردانه اوغلی روحی قیینچیلیککه چلینیب و قیزی هم کونلرینی ایشسیزلیک بیلن اوییده اوتکزهدی.
کراچیسیده ساتیش اوچون اونچه نرسهسی هم یوق، بیراق بو آز نرسه بیلن، اوزی و فرزندلری قرنی توییشی اوچون نان و اولتیریش اوچون ایسکیرگن بیر جای گه ایگه بولیش مقصد بو ییرده قالهدی. «بو ییرده ایرتنگ چاغی ساعت ۴ یریمدن آخشم ساعت ۶ گچه بولهمن. آتهسی شو ییرده اولدیریلگنیده اونینگ بیلن ایدی و روحی قیینچیلیککه چلیندی. حیات کیچیریشدن جودهیم چرچهدیم و اولیشگه هم راضیمین.»
ریحانه، کراچیسیده بیسکویت، سوو، گازدار ایچیملیک و دستمال قاغازی ساتهدی که بو نرسهلر اوزینینگ صحبتلری گه کوره، اهالینینگ نیازلریدن ایمس و سرمایهسی کملیگی سبب اهالی ایستهگنی ییگولیک و ایچیملیکلرنی تامین قیله آلمهیدی. «اهالی ایستهگنی ایچیملیکلر کراچیمده یوق. سورهگنلریده هم یوق مینده دیهمن. اولر ایستهگنی نرسهلرنی ساتیب آلالمهیمن.»
ریحانه کوننینگ یکونلنیشی بیلن کوپینچه نرسه ساته آلمهگنی صورتده، کراچیسینی یاپیب و مجبورلیکدن باشقهلرگه قول اوزهتهدی که بو رقم، اوییگه آلیب باریش مقصد بیر نیچه نان پولینی قولگه کیلتیرسه. «بو ییرده آخشم ساعت ۵ یا-ده ۶ گچه بولهمن و نان پولینی تاپه آلمسم، مجبور بولهمن چادریمنی سالیب تیلنچیلیک قیلسم.»
بیزلرنینگ فیسبوک صحیفهمیزگه باش اورینگ!
اونگه کوره، کراچیسینینگ جاییدن پول توللنیشی توغریسیدهگی بلدیه مسئوللرینینگ ایستهگی ایسه، قیینچیلیکلرینی کوپهیتیرگن. «ناحیه و بلدیه کوپ اذیت قیلهدی. کرایه بیر یا-ده بو ییردن کیت دیهدیلر. مین نیمه قیلهی، مینی بو کراچیده قنچه نرسهم بار که بولردن کرایه بیرسم.»
یالغیز ییترلی درآمدی یوقلیگی و کراچیسی جایدن کرایه بیریش، ریحانهنینگ روپهره بولگن قیینچیلیگی ایمس؛ بلکیم ایشی یقینیده ینگی بیر آپارتماننینگ قوریلیشی سبب، بو ییردن اونینگ اوزاقلشتیریلیشیدن هم خواطرلنگن دیر. «حاضر بو ییرده بیر آپارتمان قوریلماقده که، بلکیم مینی کراچیمنی بو ییرده اوزاقلشتیرسهلر.»
افغانستان ده عیاللردن قطاری عایله سرپرستینی قولدن بیریش یا-ده عایله نیازلرینی تامینلشده امکانیتسیزلیک سبب، هر قندهی بولسه هم فرزندلریگه بیر لقمه نان تاپیش اوچون حیاتنینگ آغیر یوکینی تارتیشگه مجبورلر که، بعضا بو یوکنی کوتاریشگه شانهلرینینگ کوچی ییتیشمهیدی. شونینگدیک ریحانه هم، بو قیینچیلیک بیلن کراچیسی یانیده کوننی آخشم قیلیشگه مجبور دیر.
