سرپرست حکومت ترانسپورت و هوا یوللری وزیرلیگی نینگ هواشناس‌لیک ریاستی اېرته (۳۰-ثور، شنبه کونی) مملکت نینگ ۱۶ ولایتیده کوچلی یامغیر یاغیب، سوو تاشقینی و بوران یوز بیریش احتمالیدن آگاه‌لنتیرگن.
اوشبو ریاست بوگون ایکس اجتماعی ترماغی‌ده بیر خبرنامه ترقه‌تیب ایتیشیچه، پروان ده سالنگ‌لر شامل بدخشان، تخار، بغلان، سمنگان، جوزجان، فاریاب، پنجشیر، نورستان، کنر، کاپیسا، پروان، بامیان، غور، بادغیس، هرات و فراه ولایت‌لریده کوچلی یامغیر یاغیب، سوو تاشقینی و بوران یوز بیریش احتمالی پیش‌بینلیک بولگن.
بیزلرنینگ فیسبوک صحیفه‌میزگه باش اورینگ!
شونینگدیک مذکور ریاست، اوشبو ولایت‌لر نینگ تورلی منطقه‌لریده یامغیر یاغیش میزانینی ۱۵ دن ۳۰ ملی‌متر پیش‌بینلیک قیلگن.
اوشبو ریاست گه کوره، مملکت نینگ شمال، غرب، جنوب، شمال‌غرب، جنوب‌غرب، جنوب‌شرق و مرکزی ولایت‌لریده نسبتن کوچلی بوران یوز بیریشی ممکن، تورلی منطقه‌لرده بوران تېزلیگی بیر ساعت ده ۳۰ دن ۹۰ کیلومتر پیش‌بینلیک بولگن.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک سۉنگی کون‌لرده مملکت نینگ بیر قطار ولایت‌لریده کوچلی یامغیر یاغیشی طفیلی هلاکتلی سوو تاشقینی یوز بیریب و یشاوچیلر جانی و مالی زیان کورگن بیرحالده، سرپرست حکومت ترانسپورت و هوا یوللری وزیرلیگی نینگ هواشناس‌لیک ریاستی مملکت نینگ ۲۲ ولایتیده کوچلی یامغیر یاغیش احتمالیدن آگاه‌لنتیرگن.