لبنان ساغلیقنی سقلش وزیرلیگی، اسرائیل حربی کوچلرینینگ اوشبو مملکت ایریم حدودلریده اویوشتیرگن هجوملری عاقبتیده کمیده تورت مینگ ۳۴۸ نفر هلاک بولگن و ینه ۱۲ مینگ ۳۰۷ کیشی یرهلنگنینی بیلدیردی.
مذکور وزیرلیک، بوگون (۲۹ اسد/۲۰ آگست، پنجشنبه) ترقهتگن گزارشیده، بو کیشیلر جاری میلادی ییل ایکینچی مارچ آییدن بیری، اسرائيل حربی کوچلرینینگ لبنان اینیقسه بو مملکت جنوبی حدودلریده اویوشیرتگن هجوملریده اولیب و یرهلنگنینی معلوم قیلگن.
لبنان ساغلیقنی سقلش وزیرلیگی، قربانلر آرهسیده ۳۹۳ عیال و ۲۵۷ نفر باله بارلیگینی ایتگن.
بیرلشگن ملتلر تشکیلاتی ایکی کون ایلگری، اسرائیلنینگ هجوملریده لبنانده کوپراق تینچ اهالی ضرر کورگنینی اعلان قیلگن ایدی.
جاری میلادی ییل جون آییده اسرائیل و حزبالله اورتهسیده صلح کیلیشووی گه قرهمسدن اسرائیل بو مملکت گه قرشی هجوملریگه دوام بیرماقده.
