سیناولر ملی ادارهسیده مسئوللر، بوگون (۷-ثور، یکشنبه)، کابل ده اوتکزیلگن بیر ییغیلیشده، ۱۴۰۴-ییل کانکور سیناوینینگ اوتکزیلیش تاریخینی اعلام قیلگنلر.
سیناولر ملی اداره سرپرستی عبدالباقی حقانی، مذکور سیناونینگ ۷-جوزادن ۲۰-سرطانگچه بیش باسقیچده اوتکزیلیشینی بیان قیلگن.
بیزلرنینگ «ایکس» ترماغی ده هم تعقیب قیلینگ!
جناب حقانی، بیرینچی باسقیچنینگ جوزا آیی ۷ دن ۹- تاریخلریده میدانوردک، لوگر، پروان، پنجشیر، کاپیسا، غزنی، پکتیکا، بغلان، غور، بامیان و دایکندی ولایتلریده اوتکزیلیشینی بیان قیلگن.
سیناولر ملی اداره سرپرستی کوره، کانکور سیناوی ایکینچی باسقیچی، ننگرهار، قندهار، نیمروز، پکتیا، نورستان، لغمان، هلمند، زابل، کنر، خوست، فراه و ارزگان ولایتلریده، ۲۸دن ۳۰-جوزاگچه اوتکزیلهدی.
عبدالباقی حقانینینگ ایتیشیچه، کانکور سیناوینینگ اوچینچی باسقیچی سرطان آیینینگ ۴دن ۶-تاریخلریده، تخار، جوزجان، بادغیس، قندوز، سرپل، هرات، بلخ، فاریاب، سمنگان و بدخشان ولایتلری و تورتینچی باسقیچی ۱۳-سرطان کابل ده آلینهدی.
بیزلرنینگ فیسبوک صحیفهمیزگه باش اورینگ!
شونینگدیک کانکورسیناوینینگ بیشینچی باسقیچی ۲۰-سرطان، دینی مدرسهلر اوقووچیلری، ۱۴ پاس، چیتایلدن فارغ بولگنلر، ولایتلرده سیناو گه باره آلمهگنلر و کیچه تامان اوقووچیلریدن اوتکزیلهدی.
سیناولر ملی ادارهسی، استعدادلی یاشلرنینگ عالی بیلیم یورتلر گه یول تاپیشی مقصد، سیناونینگ بوتونلی شفافیت بیلن اوتکزیلیشی توغریسیده ایشانچ بیلدیرگن.
