بیرلشگن ملتلر تشکیلاتی نینگ ترقیات برنامه‌سی، کرونا ویروسی افغانستان نینگ اجتماعی-اقتصادی اوستیگه قنچه‌لیک تأثیر قویگنی حقیده‌گی گزارشی نی ترقتگن. اوشبو گزارش اساسیده، کرونا ویروسی افغانستان اقتصادی اوستیگه سلبی تاثیر تشله‌گن.
اوشبو گزارشگه کوره، افغانستان اقتصادی میلادی ۲۰۲۰- ییلده کمیده ۶% کمه‌یگن و اقتصاد یخشی‌لنیشی خصوصیده توغری بیر سیاست بولمه‌گن حالده میلادی ۲۰۲۴- ییل گه قدر افغانستان ایچکی ناخالص ایشله‌ب چیقاریش‌لردن ۱۲.۵% زیان قیله دی.
ترقلگن گزارش اساسیده، افغانستان اقتصادی میلادی ۲۰۲۱ – ییلدن ۲۰۲۴ – ییل گه قدر رشد قیلگن حالده هم، کرونا ویروسی چیقمسدن آلدینگی رشد گه کوره آز بولیشی ممکن.
ترقه‌تیلگن گزارشگه کوره، افغانستانده اقتصادی فعالیت لر آزلیگی، سوداگرلیکده‌گی بولشلیکلر و میلادی ۲۰۲۱- ییلده کرونا ویروسی چیققنی باعث افغانستان عایدی کوزگه کورینرلی شکلده آزه‌یگن. و افغانستان دولتی هم بودجه‌سینی ۲۰۹ میلیارد افغانیدن ۱۴۴ میلیارد افغانیگه آزه‌یتیرگن.
اوشبو گزارشگه کوره، مالیه بیره دیگن شرکت لر نینگ عایدی ۱۷% و شخصی مالیات عایدلری ۱۸% آزه‌گنی تخمین ایتیلگن. وارداتی عایدلر ۱۹% تجارتی و خذمتلر عایدی ۱۹% آزه‌گنی ممکن.
جمهور رئیس بیرینچی اورین باسری نینگ مصلحت چیسی هارون میر گه کوره، دولت بیرینچی ایشی بودجه نی موازن لشتیریش دیر. جناب میر نینگ ایتیشیچه، یالغیز ایچکی ناخالص تولیدلر عایدی آزه‌مگن بلکیم دولت نینگ بویوک درامدلری هم آزه‌گن. انه شوباعث دولت احتیاج بولمه گن موردلرنی آزه‌تیرگن.
بیرلشگن ملتلر تشکیلاتی نینگ کینگه‌یتیریش اداره‌سی افغانستان حکومتی دن، قیسقه مدت ایچیده کرونا ویروسی نینگ سلبی تاثیرلری نینگ اونگی نی آلیش نی و اونینگ برقرار رواجلنیش مقصدلریگه ایریشیشده‌گی سلبی تاثیری نینگ اونگی نی آلیش نی سوره گن.