اسرائیل اردوسی لبنان گه هوا هجوملری گه دوام بیرماقده اېکن، ایران تشقی ایشلر وزیری سیدعباس عراقچی بیروت گه سفر قیلگن.
ایران تشقی ایشلر وزیرلیگی سۉزلاوچیسی اسماعیل بقائی گه کوره، عراقچی بوگون (۱۳-میزان، جمعه) لبنان رسمی‌لری بیلن اوچره‌شیش اوچون بو مملکت پایتختی بیروت گه سفر قیلگن.
بیزلرنینگ فیسبوک صحیفه‌میزگه باش اورینگ!
بقائی ایکس صحیفه‌سیده یازیشیچه: «ایران لبنان جسور خلقینی قۉللب-قوتلش گه دوام بیره‌دی. بوتون منطقه لبنان روپه‌ره بولگن خطر و عاقبتلری حقیده بی‌فرق بولمسلیگی لازم.»
ایران تشقی ایشلر وزیرلیگی سۉزلاوچیسی نینگ کوپه‌یتیریشیچه، اوشبو سفر دایره‌سیده ایران نینگ ۱۰ تُن آزیق-آوقت و دارو یاردملری لبنان رسمی‌لری گه تاپشیریله‌دی.
اسرائیل اردوسی لبنان نینگ تورلی منطقه‌لریده هوا هجوملری گه دوام بیرگچ، ایران تشقی ایشلر وزیری بو مملکت گه سفر قیلگن.
بیزلرنینگ «ایکس» ترماغی ده هم تعقیب قیلینگ!
نیویورک تایمز گزیته‌سی، اسرائیل اۉتگن کیچه حزب‌الله لبنان ییریک رسمی‌لری نینگ مهم ییغیلیشینی نشانگه آلگنینی اېتگن. مذکور گزیته، بو ییغیلیشده سیدحسن نصرالله اورنیده احتمالی تعیینله‌دیگن هاشم صفی‌الدین حضوری بولگنینی معلوم قیلگن.
اسرائیل تامانیدن حزب‌الله لبنان رهبری سیدحسن نصرالله ترور اېتیلیشیدن سۉنگ، سیدعباس عراقچی ایران نینگ بیرینچی رسمی‌سی اوله‌راق بیروت گه سفر قیلگن.
