جمهورلیک ریاستی، مملکت ژورنالیست‌لریدن بولمیش یما سیاوش گه قرشی اویوشتیریلگن هجوم‌نی “تروریستی” عنوان قیلیب و قاره‌لگن.
جمهورلیک ریاستی سوزلاوچیسی صدیق صدیقی نینگ توییتر صحیفه‌سیده یازیشیچه، یما سیاوش ینگی‌لیکده حکومت بیلن ایش‌گه باشله‌گن ایدی.
سپیدار هم بیر اعلامیه ترقه‌تیب، ییگیت‌لرنی هدف آستیگه قرار بیریلیشی‌نی «کیچیریلمهیدیگن جنایت» دیگن.
ملی مصالحه کینگشی باشلیغی عبدالله عبدالله، استخباراتی نهاد‌لردن بو قضیه عامل‌لرینی تاپیش‌لرینی سوره‌گن.
اعلامیه‌گه کوره، ژورنالیست‌لرنی هدف آستیگه قرار بیریش، ایرکین سوز گه قرشی هجوم قیلیش دیر.
عین‌حالده، اجتماعی ترماقلر ایشلاوچی‌لری، یما سیاوش نینگ اولیمی‌نی افغانستان میدیالری اوچون بویوک ضایعه بیلیب و دولتدن ژورنالیست‌لر خوفسیزلیگی‌نی تامین‌لش اوچون سعی و حرکت قیلیشینی سوره‌گنلر.
افغانستان یاش ژورنالیست‌لریدن بولمیش یما سیاوش بوگون “شنبه” ایرته‌دن چاعی ده کابل شهریده یوز بیرگن بیر پارتلش عاقبتیده دنیا دن اوتگن.
