کابل شهری‌ده سودا قوللنمه دفترلریدن قطاری نینگ ایگه‌لری گه کوره، حکومت تامانیدن شرعی قباله‌لر اجرا قیلیش جریانی نینگ سست‌لیگی سبب، اوی و ییرلر نینگ ساتیب آلیش ایشی ۷۰ فایز کمه‌یگن.
کابل شهری نینگ «قلعه‌ی فتح‌الله» منطقه‌سیده‌گی سودا قوللنمه دفترلریدن بیری نینگ ایگه‌سی سید‌یوسف قدیس، اوی و ییرلر نینگ ساتیش مرحله‌لری اجرا بولینیشی و ایکینچی‌لیک، سووغاریش و چاروه‌چیلیک وزیرلیگی نینگ اراضی اداره‌سیده شرعی قباله قولگه کیلتیریلیشی، ۵ آی‌دن کوپراق زمان آله‌دی دیگن.
اونینگ کوپه‌یتیریشیچه: «ییر و اوی ساتیب آلیش ایشی، قباله‌لر اجرا بولیش خصوصیده‌گی قیین‌چیلیک‌لر سبب، کمه‌یگن. سودا قوللنمه دفتری بولگن کیشی‌لر، بو وضعیت‌دن رضایت‌لری یوق؛ چونکه، اوتمیش‌ده ییر و اوی‌لر نینگ سودا ساتیلیشی محکمه گه تیگیشلی ایدی و جمهوریت توزومی‌ده اراضی اداره‌سی گه بیریلدی که، بو ایش نی کوپ قیین قیلدی. بو ایش نی کوپ قیین قیلدی، چونکه مسلکی کیشی‌لر و تجربه‌لی کیشی‌لر یوق و قباله اجرا قیلیش خصوصیده تجربه‌لری یوق.»
بیزلرنینگ فیسبوک صحیفه‌میزگه باش اورینگ!
سودا قوللنمه دفتری‌ده ۱۷ ییل‌دن بیری ایشله‌یدیگن محمد‌کریم، ایش بازاری نی تنزل گه یوز توتگنی‌دن شکایت قیلیب و ایتیشیچه، سونگی کون‌لر اقتصادی قیین‌چیلیک‌لر سبب، مشتری‌لریدن کوپینچه‌سی اوی و ییرلری نی ساته‌دیلر.
اونینگ کوپه‌یتیریشیچه: «اهالی اقتصادی یخشی ایمس. پول‌دار بولگن کیشی‌لر تشقی مملکت‌لر گه کیتدیلر؛ قالگن تورت قشاق هم قیمت‌‌لی ییرلر نی آلیش گه کوچی ییتیشمه‌یدی. انه شوو سبب، یوقاری نرخ نی نه بیری سوره‌یدی و نه بیری آلاله‌دی. اهالی‌دن کوپینچه‌سی اقتصادی قیین‌چیلیک سبب، اوی‌لری نی گرو گه قویه‌دیلر.»
شونینگدیک کابل شهری نینگ شهرنوی‌ده سودا قوللنمه دفترلریدن باشقه بیری نینگ ایگه‌سی فرید، کیله‌جک خصوصیده اهالی نینگ ایشانچ‌سیزلیگی، اوی و ییرلر ساتیلیشی نینگ تنزل گه یوز توتگنی گه سبب بولگن دیگن.
فرید نینگ کوپه‌یتیریشیچه: «اهالی‌دن کوپینچه‌سی ییر و اوی خصوصیده سرمایه یاتقیزمه‌یدیلر؛ چونکه، حاضر وضعیت نابیللی دیر، کیله‌جک بیللی ایمس و انه‌سوو سبب، اهالی هیچ نرسه آلمه‌یدی و پولی نی بند هم قیلمه‌یدی.»
بیزلرنینگ توییترده هم تعقیب قیلینگ!
شونده‌ی بیرحالده، ایکینچی‌لیک، سووغاریش و چاروه‌چیلیک وزیرلیگی نینگ اراضی اداره مسئوللری، اوشبو اداره تامانیدن شرعی قباله‌لر نینگ صادر بولیش جریانی سست‌لیگی نی رد قیلیب و ایتیش‌لریچه، مذکور اداره نینگ ترتیبی اساسیده، شرعی قباله‌لر نی قولگه کیلیشی اوچون کیلگن ایسته‌ک‌لر، آسان بیر شکلده و آز بیر مدت‌ده تیکشیریله‌دی.
اوشبو اداره معینی سعید‌الرحمان مظهری نینگ سلام‌وطندار گه ایتیشیچه: «قباله‌لر اجراسی پروسه‌سی وقتی‌ده تخنیکی قیین‌چیلیک‌لر بار ایدی؛ بیراق حاضر ایسه تخنیکی قیین‌چیلیک‌لر حل بولگن. مراجعه قیلگن کیشی‌لر قباله‌لری نینگ پروسه‌سی تیزلیک بیلن تکمیل بوله‌دی. حاضر کابل ده بیر مینگ‌دن ایکی مینگ‌گچه قباله پروسس آستیده دیر و باشقه ولایت‌لرده هم رقم‌لر اوزگرماقده، بیراق قباله پروسس آستیده دیر.»
عین حالده، افغانستان نینگ عالی محکمه‌سی بوندن آلدین، درخواست بیرگن‌‌لر گه الکترونیکی و قاغازی شکلده شرعی قباله‌لر نینگ ترقه‌لیش پروسه‌سی باشلنیشی‌دن خبر بیرگن ایدی.