پایتخت کابل یشاوچیلریدن بیرقطاری، مملکت‌ده ایش فرصت‌لری یوق‌لیگیدن نالیب اسلام امیرلیگی‌دن میلادی ۲۰۲۵-ییل‌ده اولر اوچون ایش امکانیتی یره‌تیشینی اېسته‌یدیلر.
کابل‌لیک خطیب‌الله گه کوره: «بوتون اهالی‌نینگ آسایشته‌لیگی اوچون ایش فرصت‌لری کوپه‌یسین، اسلام امیرلیگی‌دن یاشلر گه ایش امکانیت‌لری یره‌تیشینی اېسته‌یمیز.»
کابل یشاوچیلریدن باشقه بیری عصمت‌الله‌نینگ ایتیشیچه: «ایش فرصت‌لری کمه‌یگن بو ییل اهالی کوپراق ایش بیلن تأمینلیشی اوچون کوپ شرکتلر فعال بولسین، کوپینچه کیشیلر ایش‌سیز دیر و اهالی احوالی یخشی اېمس.»
بیزلرنینگ فیسبوک صحیفه‌میزگه باش اورینگ!
باشقه تاماندن، عیاللردن بیرقطاری اسلام امیرلیگی ینگی میلادی ییل‌ده ایش امکانیت‌لرینی یره‌تیش یانیده، اولر اوچون تحصیل زمینه‌سی یره‌تیشینی سوره‌یدیلر.
کابل شهری یشاوچیلریدن نازنین گه کوره: «بیر مملکت ترقیاتی اوچون عیاللر گه حصه بیریلیشی درکار، اسلام امیرلیگی‌دن میلادی ۲۰۲۵-ییل‌ده اۉزگریش کېتلیریب و عیاللر گه ایش و تحصیل زمینه‌سینی یره‌تسین.»
پایتخت کابل یشاوچیلریدن باشقه بیری روهینانینگ ایتیشیچه: «حاضرگی دولت‌دن قیزلر یوزیگه مکتب‌نی آچیب و ایش فرصت‌لرینی یره‌تیب و بیزنی آوازیمیز گه اعتبار بیریشنی اېسته‌یمیز.»
بیزلرنینگ «ایکس» ترماغی ده هم تعقیب قیلینگ!
عین‌حالده، اسلام امیرلیگی سۉزلاوچیسی حمدالله فطرت، قیزلر اوچون تحصیل زمینه‌سی یره‌تیلیشی گه اشاره قیلمسدن، اسلام امیرلیگی مملکت یشاوچیلری اوچون ایش امکانیت‌لرینی یره‌تیش مقصدیده ایریم ریجه‌لری بارلیگینی معلوم قیله‌دی.
اونینگ کوپه‌یتیریشیچه: « اسلام امیرلیگی حاضرگه قدر بویوک لایحه‌لرنی قول اوستیده آلگن و یاشلر ایش بیلن تأمینلنیشی اوچون. سابق فعالیتی توخته‌گن شرکتلر قیته‌دن فعال بولگن و یاشلر ایش بیلن تأمینلنیشی مقصدیده صناعت گه علیحده اعتبار بیریلگن.»
یاشلر و عایله‌لردن بیرقطاری، یاشلر اوچون ایش فرصت‌لری یوق‌لیگی و قیزلرنینگ تحصیل‌دن محروم اېتیلیشی باعث، باشقه اولکه‌لر قصدی گه مملکت‌نی ترک اېتیش گه مجبور بولگنلری اېتیله‌دی.