اسلام امیرلیگی صناعت و سودا وزیرلیگی مسئوللری، افغانستان و اۉزبیکستان اوچ کون‌لیک سودا کورگزمه‌سی ایکّی مملکت اۉرته‌سیده ۲.۵ میلیارد دالرلیک ۲۵ شرطنامه امضالنیشی بیلن ۲۹-اسد، دوشنبه کونی یکونلنگنینی معلوم قیله‌دیلر.
کابلده اۉزبیکستان ایلچیسی یادگار خواجه شادمانوف، اوشبو سودا کورگزمه‌سی یکونیده، بو کورگزمه ایکّی مملکت نینگ اقتصادی و سودا مناسبت‌لرینی کېنگه‌یتیریب و تیزلیکده بو ایکّی مملکت اۉرته‌سیده قۉشمه سودا بازاری آچیلیشینی معلوم قیلدی.
اونینگ کوپه‌یتیریشیچه: «اوشبو سفر دایره‌سیده ۲.۵ میلیارد دالرلیک شرطنامه امضاله‌دیک. اقتصادی مناسبت‌لریمیزنی افغانستان بیلن دوام بیریب و یقینده ایکّی مملکت نینگ سوداگرلری ایشلرینی باشلش گه امید بیلدیره‌من.»
بیزلرنینگ فیسبوک صحیفه‌میزگه باش اورینگ!
کابلده اۉزبیکستان ایلچیسی، یقینده بو ایکّی مملکت اۉرته‌سیده قۉشمه سودا بازارلری آچیلیشی گه تأکیدلب و اسلام امیرلیگی نینگ ییریک رسمی‌لریدن بو بازارلر آچیلیشیده اشتراک اېتیش‌لرینی طلب قیلدی.
مذکور کورگزمه یکونی مناسبتی بیلن یولگه قوییلگن احتفالده صناعت و سودا وزیرلیگی سرپرستی نورالدین عزیزی گه کوره، اوچ کون‌لیک ییغیلیش و سودا کورگزمه‌سیده، ایکّی مملکت سودا مقدارینی آشیریش، قۉشمه آست قورمه‌لرنی کېنگه‌یتیریش، کانلر وهکذا بولیم‌لرده کېلیشگنلر.
اونینگ ایتیشیچه: «بو کورگزمه ایکّی مملکت نینگ مناسبتی مثل‌سیز مستحکم‌لنیشی گه سبب بولدی. اۉزبیکستان بیز بیلن کېلیشیب و صادرات بولیمیده ۱۰ دن ۱۵ فایز بیز گه تخفیف بیردیلر. بوگون پول و آز خره‌جت بیلن اوشبو مملکت یولی آرقه‌لی چین و روسیه کبی باشقه مملکت‌لر بازاری گه توار آلیب باره آله‌میز.»
بیزلرنینگ «ایکس» ترماغی ده هم تعقیب قیلینگ!
صناعت و سودا وزیرلیگی سرپرستی گه کوره، ایکّی مملکت اۉرته‌سیده‌گی کېلیشوولر اساسیده، اوسکونه‌لر و ملَکه‌لی انجنیرلر اۉزبیکستان دن افغانستان گه آلیب کېلینه‌دی. اونینگ ایشانچی گه کوره، اۉزبیکستان اوشبو ییغیلیش و کورگزمه جریانیده، افغانستان نینگ توارلری اوشبو مملکت یولی آرقه‌لی اورته آسیا و چین گه آلیب باریلیشی اوچون ۱۰ دن ۷۰ فایز تخفیف بیرگن.
برچه‌سی بیلن، افغانستان سودا و سرمایه یاتقیزیش اتاق اورین باسری خان‌جان الکوزی، مذکور کورگزمه یکونیده پاکستان نینگ افغانستان سوداگرلری و توارلری گه یول نی توسیشدن نالیب، اولر افغانستان توارلری اوچون بدیل یول قیدیرماقده‌لیگینی اېتدی.
اونگه کوره: «بیز تجارت نی اورته آسیا یولی بیلن باشلش گه سعی-حرکت قیله‌یپمیز. اساسی ایشلر آلغه آلیب باریلگن و عملی ایشلر قالگن قۉشنی‌لر حرکت قیلیشی گه باغلیق دیر. محنت‌چیلیک، تیمیر یولی، ترانزیت، نفت و گاز بولیم‌لریده بیش شرطنامه گه قول قوییلدی.»
افغانستان سودا و سرمایه یاتقیزیش اتاق اورین باسری نینگ کوپه‌یتیریشیچه، کابل‌لیک یوزلب کیشی افغانستان و اۉزبیکستان نینگ اوچ کون‌لیک سودا کورگزمه‌سینی یقیندن باریب کوزه‌تگنلر. افغانستان و اۉزبیکستان سودا کورگزمه‌سی اوشبو هفته شنبه کونی کابل ده آچیلگن اېدی.
