تخار ولایتی سینماگرلر اتفاقی، ایکی ییل توخته‌لیشدن کیین «جنگ زیباست» آتیده ینگی فلم تیارلش بیلن فعالیت گه باشله‌گن.
مذکور اتفاق مسئوللری نینگ ایتیشلریچه، «جنگ‌زیباست» فلمی مذکور اتفاق اعضالری نینگ مالی حمایتی بیلن اوچ هفته ایچیده تیارلنگن و فایده‌لنووچی کیشی‌لرنی آشکار قیلیشدن حکایت قیله‌دی.
اوشبو ولایت سینماگرلر اتفاقی باشلیغی احمدولید جویا گه کوره، تخار ده سینما رواجلنیشی اوچون سعی و حرکت قیلیشماقده.
بیزلرنینگ فیسبوک صحیفه‌میزگه باش اورینگ!
جناب جویا نینگ کوپه‌یتیریشیچه: «سینما فرهنگینی باییتیش اوچون اوشبو ولایت نینگ فرهنگی‌لریدن قطاری، امکانیت‌سیزلیک بیلن فعالیت گه باشله‌دیلر، یقین اره‌ده اتحاد، اتفاق، برادرلیک، چیت ایل مملکت‌لری نینگ باسقینی و اولکه ده‌گی ایچکی اوروش‌لر حقیده قیسقه فلم تیارلشنی ریجه‌لشتیرگن میز.»
تخار ولایتی سینماگرلر اتفاقی باشلیغی، مذکور ولایتده سینما ایشلری قیته فعالیت گه باشله‌گنیدن خورسندلیک قیلسه ده، بیراق فرهنگ و سینما ایشلری گه دایر تخار محلی مسئوللری نینگ بی‌فرق‌لیگیدن شکایت قیله‌دیلر.
جناب جویا نینگ کوپه‌یتیریشیچه، اوتگن ایکی آی ده نیچه مراتبه تخار ییریک رسمی‌لری گه باش اورگنلر، بیراق اولر نینگ قوللب_قوتلش اوچون دقت قیلینمه‌گن.
اونگه کوره: «سینماگرلرنی ترغیب قیلیش اوچون کیچیک فیستیوال و فلم کورگزمه‌سینی یولگه قوییش اوچون ولایت رسمی‌لریدن یاردم سوره‌دیک، لیکن اولر دقت قیلمه‌دیلر و برنامه‌لریمیز عملی بولمه‌دی.»
باشقه تاماندن، تخار سینماگرلریدن اسدالله زمری نینگ ایتیشیچه، معلومات و مدنیت ریاستی اوشبو فلم نی تیارلش اوچون فرهنگی و معنوی لحاظ دن یاردم بیرگن، لیکن مادی و مالی لحاظ دن اولر گه یاردم بیرمه‌گن.
جناب زمری گه کوره، حاضرگی شرایط ده سینماگرلر گه شرایط تار بولگن، اولر ینه هم مستحکم اراده بیلن، افغانی کلتور گه ماس فلم تیارلش اوچون ایشله‌یدیلر.
او تخار محلی رسمی‌لریدن، اوشبو ولایت سینماگرلری اوچون شرایط یره‌تیب، اولر افغانی کلتورنی سقلش اوچون فرهنگی واقتصادی ساحه‌ده اولر گه یاردم بیریش‌لرینی طلب قیله‌دی.
شو بیلن بیرگه، تخار معلومات و مدنیت ریاستی مسئوللری نینگ ایتیشلریچه، یره‌تیلگن چیکلاولر گه قره‌مسدن مذکور ولایت سینماگرلری بیلن همکار بولگن.
بیزلرنینگ توییترده هم تعقیب قیلینگ!
تخار معلومات و مدنیت ریاستی سینماگرلر مسئولی سیدناصر هاشم‌پور، مذکور ولایت سینماگرلری بیلن همکارلیک قیلیش دوامیدن سوز یوریته‌دی.
جناب هاشم‌پور نینگ ایتیشیچه: «معلومات و مدنیت وزیرلیگی گه طرح یوبارگن‌میز، عملی بولگن حالده سینماگرلر فعالیتینی قوللب_قوتلش اوچون ایریم ریجه‌لر کوزلنگن.»
اولکه بویلب سونگی سیاسی اوزگریشلردن کیین قطار سینماگرلر فعالیت دن قول تارتگن یا ده مملکت نی ترک ایتگن بیرحالده، تخار سینماگرلری اوز فعالیت‌لرینی قیته دن باشلشگن.
