تخار ولایتی اوزاق منطقه‌لری یشاوچیلری، منطقه‌لریده ساغلیک مرکزلر یوق‌لیگیدن شکایت قیلیب ایتیشلریچه، اوشبو ولایت مرکزی تالقان شهری دن ۱۲ کیلومتر اوزاق ده جایلشگن «ترمه‌بایی» ساغلیک فرعی مرکزی ده سان‌لری ۴۰ مینگ کیشی بولگن ۷۰ قیشلاق اهالیسی، کسل‌لرینی دوالش اوچون اوشبو مرکز گه آلیب کیله‌دیلر.
محل یشاوچیلری، مذکور ساغلیک مرکز مسئوللری نینگ کسل‌لر گه دقت قیلمسلیگیدن شکایت قیلیب ایتیشلریچه، یاز نینگ ایسیق کون‌لریده اوزاق یول‌نی کیزیب اوشبو مرکز گه مراجعت قیله‌دیلر، بیراق ساعت‌لرچه کوته‌دیلر و حتا ایریم پیت‌لر نوبت ییتمه‌ی و کسل‌لرینی دارو_دواله‌مسدن اوی‌لری گه قیته‌دیلر.
بیزلرنینگ فیسبوک صحیفه‌میزگه باش اورینگ!
اولر حکومت دن، مذکور ساغلیک مرکز ظرفیتینی آشیریب و ایشلاوچیلری سانینی کوپه‌یتیریشنی ایسته‌یدیلر.
عین‌حالده، مذکور ساغلیک مرکز مسئوللری، موجود قیینچیلیک‌لرنی قبول قیلسه‌لرده اما ایتیشلریچه، بو سیار ساغلیک مرکز دیر و یالغیز ۶ ایشلاوچیسی بار.
اولر گه کوره، مذکور مرکز گه مراجعت قیله‌دیگنلر سانی کوپ و اولر حاضرگی ایشلاوچیلری و امکانیت‌لری گه قره‌گنده، برچه مراجعتچیلر نی درمانلش گه قادر ایمس‌لر.
باشقه تاماندن، تخار ساغلیق‌نی سقلش ریاستی مسئوللری، اوشبو ولایت ده ۸۴ سیار فرعی ساغلیک مرکز نینگ فعالیتی بارلیگینی معلوم قیله‌دی.
اولر گه کوره، مذکور سیار ساغلیک مرکزلر ۱۸ ییل آلدین و محل یشاوچیلری نینگ سانی گه قره‌ب قوریلگن، نفوس کوپه‌یشی بیلن اوشبو ساغلیک مرکزلرده برچه مراجعتچیلر نی دوالش قیین دیر.
بیزلرنینگ توییترده هم تعقیب قیلینگ!
تخار ساغلیق‌نی سقلش مسئوللری نینگ ایتیشلریچه، مذکور ساغلیک مرکز نینگ ظرفیتینی آشیریش اوچون انیق بودجه حاضرگچه اولر گه بیریلمه‌گن، بیراق اولر یشاوچیلر نینگ قیینچیلیگی حلی اوچون سعی‌وحرکت قیلماقده‌لر.
تخار نینگ اوزاق منطقه‌لری یشاوچیلری، حاضرگچه طبی خذمت‌لردن محروم بولیب و منطقه‌لریده ساغلیک مرکزلر یوق‌لیگی باعث، هر ییلی بیرقطار یشاوچیلر وفات ایته‌دیلر.
