تخار خوفسیزلیک مسئوللری اوشبو ولایت مرکزی و تومن‌لریده خوفسیزلیک تدبیرلر آلینگنیدن خبر بیریب ایتیشلریچه، هییت کونلریده اهالی گه تشویش ایجاد بولمه‌سلیگی اوچون هیچ کیم گه رخصت بیریلمه‌یدی.
تخار امنیه قوماندانی نصرالله حذیفه نینگ ایتیشیچه، قربان هییت بیره‌می ییتیب کیلیشی بیلن، تخار ولایتی یشاوچیلری هییت کونلری نی تینچ بیر شکلده اوتکزیشلری اوچون، خوفسیزلیک برنامه‌لر نی یولگه قوییب، اوشبو ولایت نینگ برچه بولیم‌لریده حربیلر نی ییرلشتیرگنلر.
بیزلرنینگ فیسبوک صحیفه‌میزگه باش اورینگ!
جناب حذیفه نینگ کوپه‌‌یتیریشلریچه: «هییت بیره‌می کونلریده تالقان و تومن‌لرده ناحق اوق آتیش و پتاقی قوللنیش گه رخصت بیریلمه‌یدی. محلی مسئوللر شادیانه اوق آتگنلری صورت‌ده، اولر بیلن قانونی یانده‌شیلیشی ممکن.»
شونینگدیک تخار امنیه قوماندانلیگی اهالی‌دن خوفسیزلیک نینگ یخشی تامین‌لنیشی اوچون، خوفسیزلیک کوچلری بیلن همکارلیک قیلیش‌لری نی ایسته‌گنلر.
شونده‌ی بیرحالده، تخار خوفسیزلیک کوچلری، قندوز ولایتی نینگ عامه‌نظمی و امن کندکی هییت کونلریده تخار ولایتی گه ییرلشتیریلگنلر.
بیزلرنینگ توییترده هم تعقیب قیلینگ!
عین حالده، تخار یشاوچیلری خوفسیزلیک کوچلری تامانیدن آلینگن تدبیرلردن خورسند‌لیک بیلدیرگنلر. تخار یشاوچیلریدن محمد‌یاسین نینگ ایتیشیچه: «خوفسیزلیک کوچلر چک پاینت‌لر نی کوپه‌یتیریش بیلن، هییت کونلریده خوفسیزلیک تدبیرلر آلگنلر. بو تدبیرلر نینگ دایم بولیشی خصوصیده امیدی‌میز بار که، بو رقم قوراللی اوغریلر و کیچه تامان اوغریلیک‌لر نینگ آلدی آلینیب، اهالی تینچ بیر شکلده حیات کیچیرسین.»
ایتیش کیره‌ک که، خوفسیزلیک مسئوللری یخشی امنیت آلینیشی اوچون اوشبو ولایت نینگ مرکزی و تومن‌لریده چک پاینت‌لر نی هم کوپه‌یتیرگنلر.