تخار ولایتی رستاق تومنی «دیوارتنگ» منطقه‌سی اوشبو تومن نینگ اوزاق منطقه‌لریدن سنله‌دی، مذکور منطقه یشاوچیلری اوتمیش ییل‌لرده حکومت تامانیدن دقت بولمه‌گنیدن شکایت قیله‌دیلر.
کمیده ۳۰ قیشلاق شامل دیوارتنگ اهالیسی، دستلبکی امکانیت جمله دن ایچیملیک سوولری یوق‌لیگینی ایته‌دیلر.
بیزلرنینگ فیسبوک صحیفه‌میزگه باش اورینگ!
اوشبو منطقه یشاوچیلریدن محمدنسیم نینگ ایتیشیچه: «اهالی ایچیملیک سوو یوق‌لیگیدن عذاب چیکماقده، یامغیر یاققن وقت‌لر منطقه یشاوچیلری یامغیر سووی دن قولنه‌دیلر، چشمه سوولری آز دیر. یامغیر یاغمه‌گن حالده اهالی سوو نقطه‌ی نظردن قیینچیلیککه قاله‌دیلر.»
«دیوارتنگ» منطقه‌سی یشاوچلری اوز سوولرینی کوپراق یامغیر سووی دن تأمینله‌یدیلر، یامغیر سووی اهالی تامانیدن قوریلگن ذخیره‌لرده ییغیله‌دی که اوشبو ذخیره‌لر هم ستندرد ایمس دیر.
دیوارتنگ یشاوچیلریدن باشقه بیری معراج‌الدین گه کوره: «بو منطقه یشاوچلری ایچیملیک سوو گه نیازمندلر، اهالی ایچیملیک سوو نقطه‌ی نظری دن قنده‌ی قیینچیلیک بیلن دوچ ایکنینی کوردینگیزلر.»
رستاق تومنی محلی مسئوللری، مذکور منطقه یشاوچیلری نینگ قیینچیلیکلرینی تصدیق لسه‌لرده، بیراق موجود قیینچیلیکلر حلی اوچون سعی و حرکت قیلیش‌لریدن ایشانچ بیلدیریشه‌دی.
بیزلرنینگ توییترده هم تعقیب قیلینگ!
رستاق تومنی اولسوالی نذرالله سیف نینگ ایتیشیچه: «بیز کوپ سعی و حرکت قیله‌یپمیز، کوپ سانده قیشلاق اهالیسی و شهر مرکزی یشاوچیلری ایچیملیک سوو بیلن تأمینلنگن، بیراق اوزاق منطقه‌لرده بعضی قیینچیلیکلر بار، حلی اوچون سعی و حرکت قیلماقده میز.»
۳۰۰ مینگ جمعیتی بولگن رستاق تومنی، تخار نینگ جمعیتلی تومن‌لریدن سنله‌دی اوشبو تومن نینگ مرکزی دن اوزاق ده جایلشگن منطقه اهالیسی تورلی خیل قیینچلیکلر بیلن روپه‌ره دیر.