سونگی کون‌لرده مملکت نینگ بیرقطار ولایتلری اینیقسه تخار ده سیگیرلر آره‌سیده، لمپی اسکین کسللیگی کوپه‌یشیدن شکایت قیلماقده‌لر.
تخار ولایتی خواجه بهاءالدین تومنیده چاروه‌چیلردن بیری صفرمحمد گه کوره، اوتگن بیر هفته ده لمپی اسکین گه چلینگن ایکی سیگیری تلف بولگن و حاضر باشقه اوچ سیگیری اوشبو کسل‌لیککه چلینگن.
او نینگ ایتیشیچه: «قالگن سیگیرلریم هم لمپی اسکین گه چلینگن، حکومت دن اوشبو کسل‌لیک آلدینی آلیب یا که بیز گه یاردم بیریشنی ایسته‌یمیز، محلی داکترلرنی سیگیرلرنی دوالش اوچون آلیب کیلدیک نتیجه بیرمه‌دی و سیگیرلریم نینگ تلف بولیشی ممکن.»
بیزلرنینگ فیسبوک صحیفه‌میزگه باش اورینگ!
تخار یشاوچیلری، سیگیرلر آره‌سیده لمپی اسکین کسللیگی کوپه‌یشیدن خواطر بیلدیریب ایتیشلریچه، مذکور کسل‌لیک کوپه‌یشی بیلن مسجدلرده یشاوچیلردن سیگیرلر نینگ گوشتی و لبنیاتی دن استعمال قیلمسلیک‌لری طلب قیلینگن.
اولر، یشاوچیلر نینگ لمپی اسکین کسل‌لیگیگه چلینیشیدن خواطرده‌لر.
تخار یشاوچیلریدن محمد سلیم گه کوره: «اوشبو منطقه ده حیوان‌لر کسللیگی ترقه‌لیشی بیلن، بو کسل‌لیککه چلینیش دن قورقیب مذکور کسل‌لیککه چلینگن حیوان‌لر گه یقینلشمه‌یمیز و اولر نینگ گوشتی دن هم استعمال قیلمه‌ی میز.»
تخار یشاوچیلریدن باشقه بیری محمدفیروز نینگ ایتیشیچه: «یشاوچیلردن قطاری لمپی اسکین طفیلی تلف بولگن سیگیرلرینی دریا گه تشله‌گنلرینی کوردیک، بیر قطار کیشی‌لر مخصوص جای‌لر ده کومگنلر، لیکن طبی قاعده‌لر نظر گه آلینمه‌گن.»
تخار ده، بیر قطار قصابی‌لرده سیگیرلر نینگ گوشتی ساتیلیشی نارسمی روشده تقیق‌لنگن.
بیزلرنینگ توییترده هم تعقیب قیلینگ!
چاروه‌چیلردن بیرقطاری، لمپی اسکین طفیلی سیگیرلر تلف بولیشیدن کیین جسدینی آچیق فضا یا که مینگ‌لرچه کیشی استعمال قیله‌دیگن دریالر سووی گه تشله‌گنلر.
تخار ایکینچیلیک، چاروه‌چیلیک و سوغاریش ریاستی مسئوللری، اوشبو کسل‌لیک باره‌سیده ایتیشلریچه، سیگیرلر نینگ گوشتی و لبنیاتی استعمال قیلینیب و بو کسل‌لیک انسان‌لر گه یوقمه‌یدی.
تخار ایکینچیلیک ریاستی نینگ حیوان‌لر سلامت‌لیگی آمری هدایت‌الله قادری نینگ کوپه‌یتیریشیچه: «بو کسل‌لیک نی کانگو کسللیگی دیب توشینمه‌سین‌لر، بو سیگیرلر گه عاید کسل‌لیک دیر انسان گه یوقمه‌یدی، انسان و حیوان‌لر آره‌سیده مشترک بولگن کسل‌لیک ایمس دیر. طبی قاعده‌لر رعایت ایتیلیشی بیلن مذکور سیگیرلر نینگ گوشتی و لبنیاتی دن استعمال قیلیش ممکن هیچ قیینچیلیگی یوق، اوشبو کسل‌لیککه چلینگن سیگیرلر نینگ دوالش ممکن.»
ایتیش کیره‌ک که، سونگی آی‌لرده مملکت نینگ بیرقطار ولایت‌لریده سیگیرلر آره‌سیده لمپی اسکین کسللیگی کوپه‌یگن و اوشبو کسل‌لیک طفیلی حاضرگچه مینگ‌لرچه چاروه تلف بولگن.
