اسلام امیرلیگی تشقی ایشلر وزیرلیگی، ۱۳-جدی چهارشنبه کونی، ایران نینگ کرمان ولایتی ده اویوشتیریلگن پارتلش‌لر که ۱۰۳ کیشی نینگ اولیمی گه سبب بولدی قاره‌لگن.
اسلام امیرلیگی تشقی ایشلر وزیرلیگی سوزلاوچیسی عبدالقهار بلخی بوگون ایکس اجتماعی ترماغی ده یازیشیچه، افغانستان اسلام امیرلیگی تشقی ایشلر وزیرلیگی، ایران اسلامی جمهوریتی نینگ کرمان ولایتیده اویوشتیریلگن ایکی پارتلش نی قاره له‌یدی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «افغانستان اسلام امیرلیگی تشقی ایشلر وزیرلیگی، ایران اسلامی جمهوریتی کرمان ولایتیده اویوشتیریلگن ایکی پارتلش، مذکور مملکت کوپ سانده یشاوچیلری نینگ اولیب و یره‌‌لنیشی گه سبب بو لدی قاره له‌یدی.»
ایران ییتکرمه‌لری اوشبو مملکت کرما ولایتی ایمرجنسی باشلیغی‌دن نقل قیلیب گزارش بیریشیچه، اوتگن کون عصر چاغی قدس سپاه پاسداران کوچلری نینگ سابق قومندانی قاسم سلیمانی اولدیریلگن‌لیگی نینگ تورتینچی ییل‌لیگی مناسبتی بیلن یولگه قوییلگن مراسم‌ده یوز بیرگن پارتلش‌لرده، ۱۰۳ کیشی اولگن دیر.
بیزلرنینگ «ایکس» ترماغی ده هم تعقیب قیلینگ!
ایرنا آژانسی، کرمان ولایتی ایمرجنسی باشلیغی‌دن نقل قیلیب، مذکور پارتلش‌لرده ۱۴۱ کیشی یره‌لنگنینی معلوم قیلگن. کرمان‌شاه ولایتی ایمرجنسی باشلیغی گه کوره، واقعه‌لر طفیلی یره‌لنگنلردن کوپینچه‌سی نینگ وضعیتی یامان دیر.
اوشبو پارتلش‌لر مسئولیتی نی حاضرگچه هیچ کیم یا گروه تن آلمه‌گن.
قاسم سلیمانی تورت ییل آلدین عراقه ده امریکا نینگ اوچووچی‌سیز اوچاق‌لری تامانیدن نشانگه آلینیب اولدیریلدی.
