خلق‌ارا ییتکیرمه‌لر نینگ معلوماتی اساسیده، دوشنبه کیچه، ۱۳-قوس، تانزانیا ده سوو تاشقینی و ییر سیلجیشی عاقبتیده چمه‌سی ۶۳ کیشی هلاک بولگن.
اسوشتیدپرس آژانسی، تانزانیا رسمی‌لریدن نقل قیلیب ایتیشیچه، بو مملکت ده یوز بیرگن اوشبو طبیعی واقعه ده کمیده ۶۳ کیشی هلاک بولیب و باشقه ۱۱۶ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
بو حادثه، تانزانیا شمالی «هانانگ» تاغی یقینیده یوز بیرگن.
معلومات‌لر گه کوره، واقعه طفیلی یشش اوی‌لر، سرک‌لر و کوپریک‌لر بوزیلیشی، قوتقرو تیم‌لرینی قیینچیلیک بیلن روپه‌ره قیلگن.
تانزانیا جمهور باشلیغی سامیه سولوهو حسن، دوبی ده بیرلشگن ملت‌لر تشکیلاتی نینگ اقلیم اوزگریشی گه دایر ییغیلیشی ده اشتراک ایتیشی کوتیلر ایدی، اوشبو مملکت ده یوز بیرگن طبیعی واقعه باعث سفرینی بیکار قیلگن.
او ویدیو پیامی ده ایتیشیچه: «مین واقعه طفیلی زیان کورگن عایله‌لر گه قیغوداشلیک بیلدیره‌من و منطقه ده‌گی برچه امنیتی کوچلر گه زیان کورگنلر گه یاردم بیریش بویروغینی بیرگن من.»
بیزلرنینگ «ایکس» ترماغی ده هم تعقیب قیلینگ!
مذکور مملکت رسمی‌لری گه کوره، قربان‌لر سانی آشیش احتمالی موجود دیر.
عین‌حالده، افریقا شرقی ده‌گی اولکه‌لر جمله دن اتیوپیا، کنیا، سومالیا و جنوبی سودان، سوو تاشقین‌لری باعث کوپ زیان کورگنلر.