امریکا تشقی ایشلر وزیرلیگی بیر بیانیه ترقه‌تیب، افغانستان ایشلری بوییچه اوشبو مملکت نینگ مخصوص نماینده‌سی توماس وست، افغانستان ده‌گی سیاسی و خوفسیزلیک وضعیت حقیده بحث ایتیش اوچون قطر، بیرلشگن عرب امیرلیگی و تورکیه گه منطقه‌وی سفرلرینی باشله‌گنیدن خبر بیرگن. بیانیه ده کیلیشیچه، جناب وست بیر هفته‌لیک سفری دایره‌سیده، مذکور مملکت‌لر نینگ رسمی‌لری بیلن ملاقات قیلیشی ممکن.
امریکا تشقی ایشلر وزیرلیگی نینگ بیانیه‌سیده کیلیشیچه: «وست منطقه‌وی سفرلری بیلن، اوشبو مملکت رسمی‌لری نینگ فکر_ملاحظه‌سینی اورگه‌نیشنی ایسته‌یدی. حاضر دنیا همجمعیت افغانستان ده‌گی سیاسی بحران حلی اوچون ییچیم یول قیدیرماقده، بیرلشگن ملت‌لر تشکیلاتی دفترلری و انسان پرورلیک مؤسسه‌لرده عیاللر ایش دن منع ایتیلیشی بیلن بو وضعیت آغیرلشگن.»
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان طارق فرهادی گه کوره، توماس وست نینگ سفرلری افغانستان نینگ وضعیتی اوستیگه هیچ تأثیر قیلمه‌یدی. او نینگ کوپه‌یتیریشیچه: «توماس وست نینگ بو سفرلری باشقه سفرلری کبی نتیجه بیرمه‌یدی دیب اویله‌ی من. اولر اسلام امیرلیگی بیلن مذاکره قیلیش‌لری کیره‌ک. افغانستان ده‌گی قیینچیلیکلر حلی اوچون سرپرست حکومت، قیز اوقووچیلر و عیاللر ایش دن منع ایتیلیش قرارینی بیکار قیلیشی لازم. باشقه جای‌لر گه سفر قیلیش و ملاقات‌لر تیزلیک بیلن نتیجه بیرمه‌یدی.»
سیاسی فعال سیدضیا حسینی گه کوره، توماس وست؛ امریکا جمهورلیک ریاستی سیلاوی یقینلشی و افغانستان دن امریکا حربی کوچلری نینگ چیقیشی گه دایر جمهوری‌خواه‌لر نینگ باسیمینی کمه‌یتیریش مقصدیده اوز سفرلرینی باشله‌گن. او نینگ کوپه‌یتیریشیچه: «قریب ایکی ییل ده مالی حمایت‌لر بیلن یومشاق سیاسی اویین‌لر بولیب کیلگن؛ توماس وست نینگ سفرلری نتیجه بیریشینی اویله‌سک، بونده‌ی ایمس.»
بیزلرنینگ توییترده هم تعقیب قیلینگ!
شو بیلن بیرگه، اسلام امیرلیگی گه یقین سیمالردن سیاسی فعال محمدبشار نینگ ایتیشیچه، امریکا نینگ اسلام امیرلیگی بیلن تعامل قیلیش نیتی یوق دیر. او نگه کوره: «امریکا هردایم افغانستان خلقی برابریده دسیسه‌سازلیک قیلیب، زور، اقتصادی و سیاسی چیکلاولر دن ایش آله‌دی. بو ییغین‌لرده اسلام امیرلیگی نماینده‌سی یوق؛ شونی اوچون نتیجه بیرمه‌یدی.»
افغانستان ده بیرلشگن ملت‌لر تشکیلاتی دفترلریده عیاللر ایش دن منع ایتیلیشی بیلن، اوشبو مملکت ده‌گی سیاسی بحران حلی اوچون امریکا نینگ مخصوص نماینده‌سی منطقه‌وی سفرلرینی باشله‌گن.