کتاب گه قیزیقیش و اولکه سیوگیسی، بیر یاشنینگ سیار کتابخانه آچیش بیلن بیلیمنی اهالی اوییگه آلیب باریشیگه سبب بولگن. ننگرهار یشاوچیسی بولمیش ۲۵ یاشر رحمانالله اتل، تعلیم برابریدهگی چیکلاولر کمهیشی و یاشلرنینگ اوز ظرفیتلرینی آشیریش زمینه یرهتیلیشی مقصد، «بیر ساعت اوزیمیز، بیر ساعت اولکهمیز ترقیاتی اوچون کتاب اوقینگ» شعاری بیلن سیار بیر کتابخانه آچگن.
او بیرینچی آدیملرینی اوچ ییل آلدین حقوق بولیمیده بیلیم یورتنی بیتیرگنیدن کیین باشلهگن. «اولکه و تعلیم توغریسیده اشتیاقیم کوپ ایدی. بیلیم یورتنی بیتیرمهگنیمدن آلدین فکریمده بار ایدی که تعلیم بولیمیده ایشلهسم و بیلیم یورتنی بیتیرگنیمدن کیین بو ایش گه باشلهدیم.»
بیزلرنینگ «ایکس» ترماغی ده هم تعقیب قیلینگ!
رحمانالله مالی امکانیتی بولمهگنی بیلن، بیراق اوز موبایلینی ساتیش بیلن بو آرزوسینی حقیقتگه اَیلنتیریب و اونینگ پولی بیلن کتابخانهسی گه کیرهک بولگن نرسهلر و دستلبکی امکانیتلرنی ساتیب آلگن. منطقهلردن کوپینچهسیده فعالیت زمینهسیدهگی چیکلاولر اونینگ ایشینی قیینلشتیرگن، لیکن اوشبو قیینچیلیکلر بولگنی بیلن او هیچ قچان هدفیدن واز کیچمهی و بو کتابخانهنی آچگن.
اونینگ ایتیشیچه: «بیر تاماندن اوزیمنینگ اقتصادی قیینچیلیکلریم ایدی، حتا بو برنامه اوچون اوز موبایلمنی ساتدیم. کتاب کملیگی اینیقسه دری تیلیده بولگن کتابلر کملیگی قیینچیلیگی بیلن روپهره ایدیم. پارکلرده برنامهمنی اوتکزگنیم پیتده میز و چوکی قیینچیلیکلری بیلن روپهره بولهر ایدیم و شونیندیک باشقه بیر قطار قیینچیلیکلر بار ایدی.»
رحماناللهنینگ کوپهیتیریشیچه، اوشبو کتابخانهنی آچیش بیلن برچه یاشلر اینیقسه تعلیمدن محروم قالگن قیزلر گه تعلیم زمینهسینی یرهته آلگن. «بیر قطار یاشلر اینیقسه تعلیمدن محروم قالگن قیزلر، برنامه گه شرکت قیلهر ایدیلر و الحمدالله اوشبو کتابخانه آدرسیدن ننگرهار و کابل ده یوزلب نیازمند یاش گه تعلیم زمینهسی یرهتیلگن.»
بیزلرنینگ فیسبوک صحیفهمیزگه باش اورینگ!
رحماناللهنینگ اورغولشیچه، حاضر ایشی رواجلنیب و مخصوص تخفیف بیلن یاشلر و بالهلرنی مکتبلر، تعلیمی مرکزلر و بیلیم یورتلر گه تانیشتیرهدی. «بیر قطار تعلیمی مرکزلر و مکتبلر بیلن قرارداد قیلگنمین؛ تخفیف بیلن بیلیم یورتلرنی معرفی قیلگنمین و بیر قطار بیلیم یورتلر گه نامستقیم شکلده معرفی قیلهمن و بو ایش ۲۰۲۶-ییلگچه دوام قیلهدی.»
عین حالده، سرپرست حکومت سوزلاوچیسی ذبیحالله مجاهد، مطالعهنی شخصی ترقیات اوچون اونملی دیب و یاشلر آرهسیده کتاب اوقیش فرهنگی رواجلنیشیگه تاکید قلیگن. «مطالعه شخصی ترقیات اوچون اونملی دیر. اسلام امیرلیگی تورلیخیل روشلر بیلن یاشلرینی کتاب اوقیشگه تشویق قیلهدی.»
ایتیش کیرهک که، اقتصادی قیینچیلیکلر، حددن تشقری یاشلرنینگ اینترنت و اجتماعی ترماقلردن فایدهلنیشی، کتاب کورگزمهلری اوتکزیلمسلیگی و معلومات منبعلردن ییگیتلرنینگ فایدهلنه آلمسلیگی، یاشلر آرهسیده کتاب اوقیش فرهنگی کمهیشی سببلریدن دیر.
