معارف وزیرلیگی ده بیر منبع سلام‌وطندار بیلن اوتکزگن صحبتیده ایتیشیچه، چهارشنبه کوندن بویان (۱۷ جوزا) اوشبو وزیرلیک خلق‌ارا نهادلر گه تعلیم بولیمیده فعالیت‌لرینی توخته‌تیش بویروغینی بیرگن.
مذکور منبع نینگ کوپه‌یتیریشیچه، بوندن کیین خلق‌ارا نهادلر نینگ تعلیمی فعالیت‌لری معارف وزیرلیگی تصدیقی بیلن ایچکی نهادلر تامانیدن عملگه آشیریلیشی کیره‌ک. «خلق‌ارا نهادلر اسلام امیرلیگی قاعده‌لری اساسیده عمل قیلیب و قطار ولایت‌لرده مذکور مؤسسه‌لر اجتماعی قیینچیلیک‌لر گه سبب بولگن ایدی، معارف وزیرلیگی نینگ بو ایشیدن اساسی مقصد ایچکی مؤسسه‌لر ظرفیتینی آشیریش دیر.»
بیزلرنینگ فیسبوک صحیفه‌میزگه باش اورینگ!
عین‌حالده، بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، خلق‌ارا نهادلر نینگ تعلیم ساحه‌سیده فعالیتی توخته‌تیلیشیدن خواطر بیلدیریب ایتیشیچه، معارف وزیرلیگی نینگ ینگی چیکلاوی باعث، اوتگن بیر آی ده قیزلر شامل ۵۰۰ مینگ اوقووچی باله تعلیم دن محروم بولگنلر.
یونیسف نینگ حمایت ایشلری بوییچه ارتباط‌لر بولیمی باشلیغی سام مورت نینگ سلام‌وطندار گه ایتیشیچه: «تعلیم بولیمیده فعالیتی بولگن خلق‌ارا نادولتی نهادلر گه فعالیت قیلیش ایزینی بیریلمه‌ی و ایچکی نهادلر گه تاپشیریلگن تقدیرده، بیر آی ایچیده ۵۰۰ مینگ ایرکک اوقووچی و ۳۰۰ مینگ قیز اوقووچی تعلیم دن محروم بولیش‌لری ممکن.»
باشقه تاماندن، اکتید دفتری نینگ ارتباط‌لر بولیمی ایشلاوچیسی عبدالحمید محمدی گه کوره، خارجی نهادلر نینگ تعلیم ساحه‌سیده‌گی فعالیت‌لری ایچکی نهادلر گه تاپشیریلیشی تأثیرلی ایمس. او نینگ ایتیشیچه: «خلق‌ارا نهادلر بیر عمر معارف پروژه‌لرینی عملگه آشیریش ایشلری بوییچه فعالیت قیلیب کیلگن، بولر نینگ ایشی تجربه‌سیز مؤسسه‌لر گه تاپشیریلسه، مملکت معارفی گه کتته ظلم دیر.»
شو بیلن بیرگه، مذکور نهادلر نینگ تعلیمی صنف‌لریده باله‌لری درس اوقیدیگن عایله‌لردن بیرقطاری، اسلام امیرلیگی دن خلق‌ارا نهادلر نینگ تعلیمی فعالیت‌لرینی توختتمسلیگینی طلب قیله‌دیلر.
بیزلرنینگ توییترده هم تعقیب قیلینگ!
غور ولایتی یشاوچیسی عبدالبشیر، خلق‌ارا نهالردن بیری نینگ تعلیمی صنف‌لریده باله‌سی درس اوقیماقده ایتیشیچه: «بوندن آلدین باله‌لریمیز کمبغل‌لیک باعث چیقیندی‌لرنی ییغیش گه مصروف ایدیلر، اوشبو مؤسسه‌لر اولرنی قوللب_قوتله‌دی، بولر نینگ ایشی توخته‌تیلسه، باله‌لریمیز قیته دن چیقیندی‌لرنی ییغیش گه یوز کیلتیریشی ممکن.»
اوشبو تعلیمی صنف‌لرده درس اوقیدیگن باله‌لردن قطاری، معارف وزیرلیگی دن اوشبو تعلیمی صنف‌لرنی توختتمسلیگینی سوره‌یدیلر.
معارف وزیرلیگی نینگ معلوماتی اساسیده، حاضرگی کونده مملکت ده ۸۰ ایچکی تعلیمی نهاد خلق‌ارا معیارلر گه ماس، اوزاق منطقه‌لرده فعالیت قیلماقده.