عالی اوقوو وزیرلیگی مسئوللری نینگ ایتیشلریچه، اوتگن بیر ییل‌ده، قریب ۸۵۰ اوقیتووچی دولتی بیلیم یورت‌لر گه تعیین‌لنگن که، اولر ارا ۵۵۰ اوقیتووچی «ثقافت» بولیمی گه آلینگن دیر.
اوشبو وزیرلیک مسئوللری بوگون (دوشنبه، ۳۰-اسد)، حکومت میدیالر و معلومات مرکزی‌ده دولت نینگ ملت گه حساب بیریش برنامه‌سیده ایتیشلریچه، دولتی بیلیم یورت‌لرده ثقافت درسی ساعت‌لری کوپه‌یشی بیلن، شونینگدیک اوقیتووچیلر سانی کوپه‌یگن.
اوشبو برنامه‌ده عالی اوقوو وزیرلیگی نینگ علمی معینی لطف‌الله خیرخواه نینگ ایتیشیچه، بوندن آلدین مملکت بیلیم یورت‌لریده دینی کتاب‌لر آز تدریس بولر ایدی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «مملکت بویلب آلتی مینگ بست اوقیتووچی‌میز بار. دولتی بیلیم یورت‌لرده قریب ۲۰۰-۲۵۰ اوقیتووچی مملکت‌دن تشقی بیلیم یورت‌لر گه کیتگنلر. نیاز گه قره‌گنده ۸۵۰ اوقیتووچی ینگی‌لیکده دولتی بیلیم یورت‌لر گه آلینگن که، اولر ارا ۵۵۰ ته‌سی ثقافت اوقیتووچیلری دیر.»
ماسترلیک بولیمی‌ده ۱۵۸ کیشی و دکترا بولیمی‌ده ۸۱ کیشی شامل عالی اوقوو وزیرلیگی نینگ علمی کدرلریدن ۲۳۹ ته‌سی، مملکت‌دن تشقی گه تحصیل‌لری نینگ دوام بیریش اوچون یوباریلگن دیر.
مذکور وزیرلیک مسئوللری نینگ اورغولشیچه، نیازلر گه قره‌ب اوشبو بیلیم ویرت‌لرده ۲۹ بیلیم یورت، ۶۴ ینگی دیپارتمنت و ۲۴ شبانه برنامه ایجاد بولگن دیر.
باشقه بیر تامان‌دن، عالی اوقوو وزیرلیگی سوزلاوچیسی ضیاءالله هاشمی نینگ ایتیشیچه، اوقیتووچیلر یازیش‌لری و مقاله‌لری نینگ آسایشته‌لیک بیلن ترقه‌تیشلری اوچون، اوشبو وزیرلیک آرقه‌لی بیر قطار ایچکی و خلق‌ارا ژورنال‌لر ایجاد بولگن.
اونینگ کوپه‌یتیریشیچه: «ستندرد توزه‌تیش و مقاله‌لر نینگ ترقه‌تیلیشی اوچون، خلق‌ارا ییتی ژورنال و ۳۳ ایچکی ژورنال ایجاد بولگن. نتیجه‌ده ۸۰۷ مقاله تشقی ژورنال‌لرده ترقه‌تیلیب و بیر مینگ ۵۵۰ مقاله ملی ژورنال‌لرده ترقه‌تیلگن.»
بیزلرنینگ توییترده هم تعقیب قیلینگ!
هاشمی نینگ کوپه‌یتیریشیچه، اوتگن ییل، مملکت‌ده ۹ دکتورا و ۴۰ ماسترلیک برنامه‌سی ایجاد بولگن دیر.
عالی اوقوو وزیرلیگی مسئوللری نینگ ایتیشلریچه، حاضر ایسه مملکت بویلب ۴۷۱ مینگ ۳۶۰ طلبه تحصیل کورماقده و اوتگن بیر ییل جریانیده اولردن ۱۱۸ مینگ‌دن آرتیغی جذب و باشقه ۷۲۴ مینگ ته‌سی بیلیم یورت‌لردن فارغ بولگنلر.
ایتیش کیره‌ک که، اوتگن ییل ده ۱۰۸ ینگی طلبه دولتی بیلیم یورت یاتاق‌خانه‌لری گه جذب بولگن دیر.
