هرات نینگ طالبان نظارتی گه اوتگنیدن نیچه ییل اوتگن ایدی. بیرینچی‌ده اولر قوراللی بار کیشی‌لردن قوراللری نینگ تسلیم قیلیش‌لرینی سوره‌شدی. بو گروه دن قورققن کیشیلر قوراللری نی تسلیم قیلیشدی.
اوشه کونلرده آبم، بوبه‌م گه ایتمه‌سدن روس‌لرنینگ زمانیدن قالگن بیر قورال نی اویی‌میزده‌گی قودوق نینگ اطرافیده یاشیرگن ایکن. او قودوق نینگ اطرافیده قورال جایلشه‌دیگن بیر چقورلیک قازیب و قورال نینگ پلاستیک ایچیده یاشیریب او ییرده کومگن ایکن.
بو موضوع طالبان گه گزارش بیریلیشی نی آبم هیچ فکر قیلمه‌گن ایکن. طالبان اویلرنینگ تیکشیرگنیدن نیچه کون اوتمه‌گن ایدی کیم، مذکور گروه جنگریلریدن قطاری بیزلرنینگ کوچه‌میزگه کیریب و قیته‌دن اویلرنینگ بیر بیرته تیکشیردی.
نهایتده طالبان جنگریلریدن بیری بیلی گه بیر ییپ باغله‌ب قودوققه توشدی. نفس‌لریمیز سینه‌لریمیزده قیسیلدی و بونی بیلردیک که طالبان بو قورال نی تاپگن صورتده برچه‌میز نی اوققه توتیب اولدیریشی ممکن، بیراق بیر معجزه یوز بیردی و مذکور طالب بوش قول بیلن قودوقدن چیقدی.
بیر نیچه پیت‌دن کیین بیلدیک کیم قودوق نینگ اطرافی بوزیلگن ایکن و شو یوزده‌دن قورال سوو نی ایچیگه توشیب کیتگن ایکن. طالبان باشقه بولیم‌لرنی هم تیکشیرگندن کیین اویی‌میزنینگ ترک قیلیشدی. بو گروه نینگ قومندانی موسی ناملی بیر کیشی ایکن کیم اوی نینگ تیکشیریش چاغده مینینگ کوریب و مینگه قیزیققن ایکن. او کیین نیچه مرته ساووچیلیک اوچون کیلدی. سونگی مرته کیلیب ایتدی کیم، اوروش گه کیته‌من و قیتگنیم دن کیین «حمیرا نی نکاح قیلیب آله‌من.»
اوشه پیت ۱۷ یاشر ایدیم و او طالب هم ۴۰ یاشر. ۴۰ یاشر بیر طالب بیلن تورموش قوریشدن کوپ قورققن ایدیم. موسی کوچلی بیر قومندان ایدی و هیچ کیم او بیلن قرشی کیله آلمس ایدی؛ او زمان حیاتیم یکونلنگنی نی حس قیلدیم، او کونلر کوپ یمان و قیین کونلر ایدی. بیراق موسی باشقه کیلمه‌دی و کورمه‌دیم.
حاضر او کونلردن نیچه ییل اوتماقده و طالبان نینگ کیلدی کیلدی خبری کوپه‌یگن، حاضرگی عصر عیاللر و قیزلری طالبان نینگ قیته قیتیشی نی تحمل قیلیب و اولرنینگ دورانی گه قیتیش نی تحمل قیله آله‌می یا یوق؟ و یا باشقه بیر معجزه یوزبیره‌می یا یوق؟