امنیتی منبعلرنینگ ایتیش‌لریچه، طالبان بغلان بیلیم یورت اوقیتوچی‌لری نینگ موترینی هجوم آستیده آلگن کیم نتیجه‌ده ایکی کیشی هلاک و باشقه ۶ کیشی یره‌لنگن.
امنیتی ایشانچلی منبعلرنینگ سلام‌وطندارگه ایتیش‌لریچه، بوگون (سه‌شنبه ۲۶- حوت) ایرته‌لب بغلان بیلیم یورتی ایکینچلیک فاکولته‌سی نینگ طلبه‌لری و اوقیتوچی‌لری گه تیگیشلی کاستر تیپلی بیر موتر، بیلیم یورت تامان کیته‌دیگن بیرچاغده ایکینچی خوفسیزلیک حوزه گه تیگیشلی جلازیی منطقهسیده طالبان آرقه‌لی هجوم آستیده آلینگن.
مذکور منبعلرگه کوره، مذکور حادثه‌ده بو موتر هیداوچیسی هلاک و ۴ اوقیتوچی ایسه یره‌لنگن.
بیراق پلخمری ولایتی کسلخانه داکترلری نینگ ایتیش‌لریچه، بیر هیداوچی و بیر طلبه نینگ جسدی و شونینگدیک ۶ یره‌دار بو کسلخانه گه انتقال بیریلگن. داکترلر یره‌دارلرنینگ وضعیتی نی یمان دیگن.
مذکور موتر گه ۲۵ کیشی مینیلگن ایکن و بو موتر ایکینچلیک فاکولته‌سی تامان کیتماقده ایکن.
طالبان و بغلان امنیتی مسئوللری حاضرگچه بو توغریده فکر بیلدیرمه‌گن.