تخار ولایتی کسلخانه‌سیده دارو ییتیشمسلیگی، کسللرنی ایریم قیینچیلیک بیلن روپه‌ره قیلگن. اوشبو ولایت نینگ ساغلیق بویوک مرکزی گه کسللرینی دوالش اوچون آلیب کیلگن قطار کیشی‌لر نینگ ایتیشلریچه، اقتصادی قیینچیلیک‌لری بولسه ده، بیراق برچه دارولرنی تشقی داروخانه‌لردن ساتیب آلیش گه مجبورلر.
اولر اوشبو کسلخانه مسئوللری دن، کسل کیشی‌لر گه کسلخانه تامانیدن دارو بیریلیشینی سوره‌یدیلر.
تخار ولایتی کسلخانه‌سیده کسللر نینگ پایوازلریدن محمدشریف نینگ سلام‌وطندار گه ایتیشیچه: «اقتصادی قیینچیلیگی‌میز بار، بغلان نینگ خوست تومنیدن کیلگن‌میز، تورت مینگ افغانی موتر کرامیز بولدی و تورت مینگ دن آرتیق دارو بولدی، رخصت قیلسه‌لر موتر نی تورت مینگ افغانی دربست آلیب اوی گه کیته‌من.»
بیزلرنینگ فیسبوک صحیفه‌میزگه باش اورینگ!
تخار ولایتی کسلخانه‌سیده کسللر نینگ پایوازلریدن باشقه بیری مقیم گه کوره: «بو ییرده‌گی بیش یا که آلتی کیشی سرگردان میز، کسللریمیز هم شو ییرده اولر گه دارو آلیب کیلیش اوچون سرگردان میز.»
تخار ولایتی کسلخانه‌‍‌سیده‌گی شفاکارلر تشقی نهادلردن، افغانستان نی دارو و طبی جهاز بولیمیده قوللب-قوتلشینی سوره‌یدیلر. اولر ساغلیق خادم‌لری آزلیگی و وقتیده آی‌لیک‌لری تولنمسلیگیدن شکایت قیله‌دیلر.
تخار مرکزی کسلخانه‌سیده ایچکی متخصص عبدالفتاح سیدزاده گه کوره: «خارجی دونرلر و خلق‌ارا همجمعیت دن، افغانستان خلقی نی طبی بولیمده قوللب-قوتلب، طبی خادم‌لر نینگ آی‌لیگینی تولش، دارو و طبی جهاز یاردم بیریشینی ایسته‌یمیز.»
برچه‌سی بیلن بو کسلخانه ده‌گی شفاکارلر، قیینچیلیک‌لر گه اعتبار بیرمسدن یشاوچیلر گه خذمت کورسه‌تیش اوچون سعی‌وحرکت قیله‌یاتگنلریدن ایشانچ بیره‌دیلر.
عین‌حالده تخار ولایتی کسلخانه‌سی مسئوللری، بو کسلخانه ده دارو ییتیشمسلیگی و ساغلیق خادم‌لری آزلیگینی قبول قیلیب ایتیشلریچه، تشکیلات‌لرینی تولدیریش اوچون ۱۰۰ بوش بست نی اعلان گه بیرگنلر.
بیزلرنینگ «ایکس» ترماغی ده هم تعقیب قیلینگ!
اولر گه کوره، اوتمیش ده بو کسلخانه نینگ دارولری تشقی نهادلر تامانیدن تامین بولر ایدی؛ بیراق حاضرگی کونده مذکور کسلخانه نینگ نیازی بولگن یریم دارولرینی تامین قیلمه‌یدی.
تخار ولایتی مرکزی کسلخانه آمری محمدآصف محمدی نینگ ایتیشیچه: «کسلخانه اقتصادی کسادلیک بیلن دوچ دیر. دارو یوق، بو کسلخانه قیزیل خاچ تامانیدن حمایت بولر ایدی و ایکی آی دن بیری حمایت قیلمه‌یپتی و سونگی آلتی آی ایچیده هیچ دارو و طبی جهاز ساتیب آلینمه‌گن، کوپ سانده دارو یوق پایوازلر تشقریدن دارو ساتیب آلیب کیله‌دیلر چونکه سابق کسلخانه ده اولر گه دارو بیریلر ایدی یشاوچیلر خورسند ایدی، حاضر اوزلری ساتیب آلیش‌لری اوچون شکایت قیله‌دیلر.»
ینگی‌لیکده، تخار ولایتی کسلخانه‌سی نینگ بستری ۱۵۰ دن ۲۰۰ گه آشیریلگن، بو کسلخانه ده ۵۰ بستر کوپه‌یتیریلیشی بیلن کوپراق کسللر نینگ دوالش زمینه‌سی یره‌تیلگن؛ لیکن دارو و باشقه طبی امکانیت یوقلیگی شفاکارلر و کسللرنی ایریم قیینچیلیک بیلن دوچ قیلگن.
