اسرائیل اردوسی نینگ غزه مرکزیده جایلشگن بیر مکتب گه اویوشتیرگن هجومی‌ده، کمیده ۱۸ کیشی قربان بولیب و اونلب کیشی ایسه یره‌لنگن.
الجزیره خبری ترماغی نینگ گزارش بیریشیچه، اسرائیل اردوسی اوتگن کونی شام چاغی غزه مرکزی النصیرات کمپی‌ده «الجاعونی» مکتبی نی بمباردمان قیلگن.
الجزیره خبری ترماغی نینگ کوپه‌یتیریشیچه، الجاعونی مکتبی نینگ بمباردمان بولگنی نتیجه‌سیده، ۱۸ کیشی جمله‌دن بیرلشگن ملتلر تشکیلاتی نینگ آلتی ایشلاوچیسی اولگن.
بیزلرنینگ «ایکس» ترماغی ده هم تعقیب قیلینگ!
الجاعونی مکتبی‌ده بیش مینگ‌دن آرتیق فلسطین‌لیک آواره نینگ حیات کیچیره‌دی که، بیشینچی مرته هجوم آستیده قرار تاپگن.
فلسطین‌لیک آواره‌لر اوچون بیرلشگن ملتلر تشکیلاتی نینگ یاردم بیرووچی آژانسی (آنروا) نینگ اعلام قیلیشیچه، بو هجوم بیرلشگن ملتلر تشکیلاتی ایشلاوچیلری اوچون اینگ هلاکتلی بیر هجوم دیر.
شونینگدیک بیرلشگن ملتلر تشکیلات باش کاتبی آنتونیو گوترش، اسرائیل نینگ الجاعونی مکتبی گه اویوشتیرگن هجومی نی خلق‌ارا انسانپرورلیک قانونلری گه قرشی دیب و ایتیشیچه، نوار غزه ده یوز بیره‌دیگن نرسه‌لر قبول بولینمه‌یدیگن دیر.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی باش کاتبی بوگون اوز اکس صحیفه‌سیده یازیشیچه: «غزه ده یوز بیره‌دیگن نرسه‌لر قبول بولینمه‌یدیگن دیر. قریب ۱۲۰۰ کیشی گه باش پنه بولگن بو مکتب، ینه بیر مرته اسرائیل نینگ هوایی هجوملری آستیده قرار تاپدی.»
حماس و اسرائیل آره‌سیده‌گی توقنشوولر نینگ باشلنگنی‌دن قریب ۱۱ آی بولگن و بو مدت‌ده غزه ده آتیش کیسین برقرار ایتیلیشی و گروگانلر نینگ قوییب یوباریلیشی مقصد خلق‌ارا واسطه‌چیلر نینگ سعی‌وحرکتلری نتیجه بیرمه‌گن.
غزه ده ساغلیق‌نی سقلش رسمی‌لری آرقه‌لی ارائه بولگن معلومات اساسیده، حماس و اسرائیل آره‌سیده هجوملر نینگ باشلنگنی‌دن بویان، ۴۱ مینگ قربان بولیب و ۹۵ مینگ‌دن آرتیق کیشی ایسه یره‌لنگن.
