بیرلشگن ملت‌لر تشکیلاتی خوف‌سیزلیک کینگشی نینگ اعضالری اسلامی امارت‌دن افغانستانده خاتین-قیزلر ایرکین‌لیگی و بشرحقوقینی محدود قیلوچی سیاست‌لریگه نقطه قویب و عیاللر حقوقینی رعایت قیلیشلرینی طلب قیلگن.
اوتگن کون (سه‌شنبه،۳- جوزا) مذکور کینگش اعضالری تامانیدن نشر ایتیلگن اعلامیه‌گه کیلیشیچه، اولر افغانستان خاتین-قیزلری نینگ تعلیم آلیش، ایش قیلیش و بشر حقوقی برابریده اسلامی امارت تامانیدن یره‌تیلگن چیکلاولردن خواطر بیلدیرگنلر.
بیزلرنینگ فیسبوک صحیفه‌میزگه باش اورینگ!
شونینگدیک اولر اسلامی امارت تامانیدن ینگی‌لیکده خاتین-قیزلر یاپینیشلری خصوصیده صادر قیلینگن بویروغ‌نی خواطرلی عنوان قیلیب ایتیشلریچه، اسلامی امارت تامانیدن یره‌تیلگن چیکلاولر اسلامی امارت نینگ دنیا جماعه‌سی و افغانستان یشاوچیلریگه بیرگن تعهدلریگه قرشی دیر.
بیرلشگن ملت‌لر تشکیلاتی خوف‌سیزلیک کینگش اعضالری برچه قیزلر یوزیگه مکتب‌لر ایشیگی آچیلیشینی سوره‌گنلر. شونینگدیک اعلامیه‌ده کیلیشیچه، خوف‌سیزلیک کینگش اعضالری اسلامی امارت تامانیدن بیرقطار دولتی نهادلر یوق ایتیلیشی خصوصیده خواطر بیلدیرگنلر.
عین‌حالده مذکور نهاد اعضالری افغانستانده حکم سوره‌یاتگن حاضرگی سیاسی، اجتماعی، اقتصادی و خوف‌سیزلیک وضعیت‌نی سلبی تأثیراتینی یشاوچیلر حیاتیگه خواطرلی عنوان قیلگن.
شونده‌ی بیرحادلده، بیرلشگن ملت‌لر تشکیلاتی خوف‌سیزلیک کینگش اعضالری افغانستان یشاوچیلریگه انسان‌سیورلیک یاردملر ترقه‌تیلیشی اوستیگه تأکید قیلیب ایتیشیچه، افغانستان یشاوچیلری نینگ انسان‌سیورلیک یاردلرگه کیسکین احتیاجلری بار خلق‌ارا خیریه نهادلر افغانستان یشاوچیلری و خاتین- قیزلر حقوقیدن آرقه‌داشلیک بیلدیریش اوچون یاردم قیلیشلری کیره‌ک.
عین‌حالده، اولر بیرلشگن ملت‌لر تشکیلاتی نینگ افغانستان بوییچه اورین باسرلیک دفتر یا-ده یوناما دن افغانستانده حکم سوره‌یاتگن حاضرگی قَلتیس وضعیت‌دن انیق، طرف‌سیز گزارش ارایه قیلیشیگه دوام ایتیریشینی طلب قیلگن.
بیزلرنینگ توییترده هم تعقیب قیلینگ!
شونینگدیک اولر بیرلشگن ملت‌لر تشکیلاتی نینگ باش کاتبی‌دن بیرلشگن ملت‌لر نشکیلاتی نینگ قاعده- قانونلری اساسیده افغانستان نینگ برچه سیاسی تامانلری بیلن تعامل ده بولیب و مثبت اوزگریشلرینی اولر بیلن اورته‌گه قوییشینی سوره‌گن.
ایتیش کیره‌ک دیرکه افغانستانده خاتین – قیزلر برابریده اسلامی امارت تامانیدن یره‌تیلگن چیکلاولر آقیمیده ینگی‌لیکده مدیالرگه ایشلاوچی عیاللرگه امر معروف نهی منکر وزیرلیگی تامانیدن برنامه آلغه آلیب باره‌یاتگن چاغده نقاب بیلن یوزلرینی یاپینتیریشلری خصوصیده بویرغ بیریلگن اوشبو بویروغ ایچیکی و خلق‌ارا عکس‌العمللرگه سبب بولگن.
