پایتخت کابل ده صحت طفل کسلخانهسی و فرانسه طبیات انستیتوتی شفاکارلریدن قطاری گه کوره، سونگی ییل‌لرده مملکت ده آنومالی (مقعدسیز) چقهلاقلر نینگ توغیلیش حالتی کوپه‌یگن.
صحت طفل کسلخانهسی عمومی جراح‌لیک ترینر متخصصی محمدحنیف تسل، مقعدسیز چقهلاقلر نینگ توغیلیش حالت‌لری کوپه‌یشیدن خبر بیریب ایتیشیچه، اورته روشده هر کونی مذکور کسلخانه ده بو گَل بیر چقه‌لاق عملیات بوله‌دی.
او نینگ ایتیشیچه: «اوتمیش ده هفته ده ایکی یا ده ۳ کسل ولادی قیینچیلیگی اینیقسه مقعدسیز یا بولی سیستم آنومالی قیینچیلیگی بولگن چقه‌لاق مراجعت قیلر ایدی. لیکن حاضر اورته روشده هر کونی بو گَل بیر واقعه ثبت بولماقده.»
بیزلرنینگ فیسبوک صحیفه‌میزگه باش اورینگ!
باشقه تاماندن، فرانسه طبیات انستیتوتی ده چقهلاقلر نینگ جراح‌لیک قیلیش ترینر متخصصی طارق رحیمی، مذکور کسل‌لیک کوپه‌یشی خصوصیده سلام‌وطندار گه ایتیشیچه، هر هفته آنومالی قیینچیلیگی بولگن ۸ و ۹ چقه‌لاق اوشبو انستیتوت ده عملیات بوله‌دی.
جناب رحیمی گه کوره، رادیو اکتیف شعاع‌سی، حامله‌لیک پیتیده تیلیفون و باشقه الکترونیکی جهازلردن حد دن آشه قوللنیش، اوشبو قیینچیلیککه چلینیش عامللریدن سنله‌دی.
او نینگ کوپه‌یتیریشیچه: «باشقه مسئله رادیوشن یا شعاع دیر، اوشبو شعاع‌لر تکنالوژی ترقیاتی بیلن کوپه‌یگن. تلویزیون، تیلیفون، آنتن و حتا ترافیکی اشاره‌لر نینگ تأثیری بولیشی ممکن.»
عین‌حالده مقعدسیز چقه‌لاق‌لری بولگن آنه‌لر نینگ ایتیشلریچه، ناقص چقه‌لاق توغیش دلیلی نیمه‌لیگینی بیلمه‌یدیلر.
۴۰ یاشر مستعار اسملی بی‌بی‌گل، ینگی‌لیکده ۱۱_فرزندینی دنیا گه کیلتیرگن و چقه‌لاغی آنومالی کسل‌لیگیگه دوچ دیر سلام‌وطندار گه ایتیشیچه، حامله‌لیک پیتیده بو موضوع دن خبری بولمه‌ی و چقه‌لاغی توغیلیشیدن کیین او نینگ ناقص‌لیگینی پیقه‌گن.
او نینگ کوپه‌یتیریشیچه: «اول پیقمه‌گندیم توغیلیشیدن ایکی کوندن کیین مقعدسیزلیگینی پیقه‌دیم. حامله‌لیک پیتده هر هفته شفاکار آلدی گه بارر ایدیم، لیکن چقه‌لاغیم نینگ مقعهدسیزلیگینی ایتمه‌گندیلر. اوتگن ییل بیر چقه‌لاغیم ولادت وقتیده وفات ایتگن ایدی.»
کنر یشاوچیسی زرغونه، حامله‌لیک پیتیده روحی قیینچیلیک و یخشی آوقات‌لنمسلیکنی، چقه‌لاغی آنومالی کسل‌لیگیگه چلینیش عاملی عنوان قیله‌دی.
او نگه کوره: «حامله‌لیک پیتیده چقه‌لاق نینگ آته‌سی وظیفه دن بوشه‌تیلدی، یخشی آوقات‌لنه آلمس ایدیم، کوپ خفه و قیغورردیم و هردایم قان باسیمیم قویی ایدی.»
بیزلرنینگ توییترده هم تعقیب قیلینگ!
عین‌حالده، رابعه بلخی کسلخانهسیدهگی شفاکارلردن بیری سحر بزرگ مهر گه کوره، حامله‌لیک پیتیده وراثت، کم قان‌لیک و روحی قیینچیلیکلر بو گَل واقعه‌لر کوپه‌یش عامللریدن سنله‌دی.
برچه‌سی بیلن، آلتی آی‌لیک حامله وژمه نینگ ایتیشیچه، مملکت ده ییترلی امکانیت یوق‌لیگی باعث، جنین ده بو نقصان نی تشخیص ایتیش اوچون خواطر ده دیر.
او نینگ کوپه‌یتیریشیچه: «آلتی آی‌لیک حامله دار من. اوشبو کون‌لر مقعدسیز چقهلاقلر توغیلیش سانی کوپه‌یشیدن خواطرده من، داکتر گه مراجعت قیلیب تلویزیونی معاینه هم قیلسم فایده‌سی یوق، چونکه تلویزیونی معاینه ده هم بیللی بولمه‌یدی و ییترلی امکانیت یوق دیر.»
عین‌حالده، مملکت ده چقهلاقلر نینگ ناقص توغیلیش حالت‌لری سیزیلرلی درجه ده کوپه‌یب و اوشبو موردلر نینگ کوپینچه‌سی چقه‌لاق توغیلیشیدن کیین بیللی بوله‌دی. گزارش ده مذکور کسل‌لیککه چلینگن بیمارلر نینگ رقمینی ذکر قیلیش اوچون سعی‌وحرکت قیلدیک، بیراق ساغلیق‌نی سقلش وزیرلیگی مسئوللری قونغیراق‌لریمیز گه جواب قیتیرمه‌دیلر.
