کاپیسا امنیتی منبع‌لری نینگ ایتیشلریچه، مذکور ولایت نینگ تگاب تومنیده طالبان هجومی باعث ۱۵ امنیتی پوسته طالبان قولیگه سقوط قیلگن. تگاب تومنیده ایشانچلی امنیتی بیر منبع آتی فاش ایتیلیشی نی ایستمه‌ی سلام‌وطندارگه ایتیشیچه، ایکی کوندن بویان مذکور تومنده امنیتی کوچلر و طالبان گروهی آره‌سیده آتیشمه نی دوامی بار و یاردم ییتیشمه‌گنی باعث، ۱۵ خوفسیزلیک پوسته طالبان قولیگه سقوط قیلگن.
منبع گه کوره، امنیتی کوچلر و طالبان گروهی آره‌سیده‌گی آتیشمه تگاب تومنی نینگ «نوروزخیل» قیشلاغی گه قدر ییتیشگن و شونینگدیک طالبان نیچه پوسته نی نظارت گه آلگن. باشقه بیر تاماندن کاپیسا ولایتی کینگش مسئوللری نینگ ایتیشلریچه، تگاب تومنی نینگ «نوروزخیل» قیشلاغیده ۱۰ امنیتی پوسته ییرلرینی اوزگرتیرگن.
کاپیسا ولایتی کینگش باشلیغی محمدحسین سنجنی نینگ سلام‌وطندارگه ایتیشیچه، پوسته‌لر اطرافیده‌گی یشیل اورمانلر و امنیتی کوچلرنینگ تلفاتی نی آلدینی آلیش اوچون پوسته‌لر ییرلرینی اوزگرتیرگن. کاپیسا ولایتی کینگش باشلیغی نینگ کوپه‌یتیریشیچه، امنیتی کوچلر توغری بیر ییرده جایلشگن.
بیزلرنینگ فیسبوک صحیفه‌میزگه هم باش اورینگ!
عین حالده، کاپیسا پولیس قومندانلیگی مسئوللری، مذکور ولایت تگاب تومنیده امنیتی پوسته‌لر سقوط قیلگنی نی رد قیلگن.
کاپیسا پولیس قومندانلیگی نینگ رسانه دفتر مسئولی عبدالشایق شورش، امنیتی کوچلر و طالبان گروهی آره‌سیده آتیشمه باشلنگنی نی تصدیقلب بیراق ایتیشیچه، حاضرگچه هیچ بیر پوسته طالبان قولیگه سقوط قیلمه‌گن.
شونده‌ی بیرحالده، طالبان نینگ ادعا قیلیشیچه، بو گروه جنگریلری تگاب تومنیده ۳۰ دن آرتیق امنیتی پوسته نی سقوط بیرگن.
طالبان سوزلاوچی‌لریدن بیری ذبیح‌الله مجاهد نینگ توییتر صحیفه‌سیده یازیشیچه، مذکور گروه جنگریلری تگاب تومنیده ۳۲ پوسته نی سقوط بیریب و امنیتی کوچلردن قطاری نی هلاک و یره‌لنتیرگن و شونینگدیک امنیتی کوچلرنینگ بیر قنچه حربی جهازلری اولرنینگ قولیگه توشگن.
میدان وردک نینگ چک تومنیده ۵ پوسته آتیشمه یوزبیرمسدن طالبان قولیگه سقوط قیلگن
میدان وردک ولایتی نینگ چک تومن یشاوچی‌لری نینگ ایتیشلریچه، اوتگن کیچه مذکور تومنده حربی کوچلرنینگ ۵ پوسته‌سی آتیشمه یوزبیرمسدن طالبان قولیگه سقوط قیلگن. محل یشاوچی‌لریگه کوره، امنیتی کوچلر اوتگن کیچه هلیکوپترلر آرقه‌لی بو منطقه‌دن انتقال بیریلگن و شونینگدیک بو پوسته‌لرنینگ برچه نقلیه واسطه‌لری طالبان نینگ قولیگه توشگن.
عین حالده، میدان وردک ولایتیدن آتی فاش ایتیلیشی نی ایستمه‌گن خوفسیزلیک بیر منبع بو حادثه نی تصدیقلب سلام‌وطندارگه ایتیشیچه، حربی کوچلر مذکور پوسته‌لردن تاکتیکی آرتده چیکیلگن.
بیزلرنینگ توییترده هم تعقیب قیلینگ!
منبع نینگ کوپه‌یتیریشیچه، بوگون ایرته‌لب هوایی کوچلر مذکور پوسته‌لر اوستیگه هجوم قیلگن که نتیجه‌ده بیر تانک نابود بولگن. منبع گه کوره، مذکور هوایی هجوم ده اوچ تینچ‌اهالی شامل ۵ کیشی هلاک ایتیلگن.
بیراق طالبان نینگ ادعا قیلیشیچه، اوتگن کیچه میدان وردک نینگ چک تومنیده ۵ پوسته سقوط قیلیب و مذکور پوسته‌لرنینگ برچه حربی جهازلری بو گروه جنگریلری نینگ قولیگه توشگن.
