صناعت و سودا وزیرلیگی بوگون (۶-جدی، پنجشنبه) قزاقستان سودا و کانلر وزیرلیگی اورین باسری باشچیلیگیده اوشبو مملکت‌نینگ ۴۰ کیشی‌لیک خصوصی و سوداگرلریدن عبارت هیئتی کابل گه قیلگن اوچ کونلیک سفرلری یکونیده، حکومت یېتکرمه‌لر مرکزیده اولرنینگ سفری حقیده معلومات بیردی.
صناعت و سودا وزیرلیگی سرپرستی نورالدین عزیزی گه کوره، قزاقستان‌لیک اوشبو هیئت، اوچ کوندن بیری اسلام امیرلیگی تورلی وزیرلیک مسئوللری بیلن اوچره‌شوولریده، بو ایکّی مملکت اورته‌سیده سودا شرطنامه‌لری عملگه آشیریلیشی اوستیگه تأکید اېتگنلر.
اونینگ ایتیشیچه: «بو سفرده سودا، کانلر، ترانسپورت، مخابرات، ایکینچیلیک وزیرلیکلری، تیمیر یول اداره‌سی، امارتی فیرمه‌لر و خصوصی سکتور رسمی‌لری بیلن اوچره‌شگن؛ اوچ میلیارد دالرگچه سودا حجمی آشیریلیشی، ایکّی تامانلمه آلیش-بیریش کېنگه‌یشی و سودا بوییچه قولی‌لیک یره‌تیش و قزاقستان‌نینگ کچالو، پخته، انار، انجیر و باشقه قوریق و تازه میوه‌لرنی وارد قیلیش گه قیزیقیشینی اېتگنلر.»
بیزلرنینگ فیسبوک صحیفه‌میزگه باش اورینگ!
صناعت و سودا وزیرلیگی سرپرستی‌نینگ کوپه‌یتیریشیچه، بو اوچره‌شوولرده قزاقستان هیئتی افغانستان گه بعضی توارلر صادراتی آشیریلیشی و بو مملکت ایچیده افغانستان محصولاتی و توارلری ساتیلیشی و دایمی کورگزمه‌لری آچیلیشی اوچون بازار قوریش گه وعده بیرگنلر.
قزاقستان سودا وزیرلیگی اورین باسری کایرات توربایوف، کابل گه قیلگن سفرلرینی اونملی دیب، افغانستان و قزاقستان اورته‌سیده سودا مناسبت‌لری کېنگه‌یشی و افغانستان گه انسان سیورلیک یاردملری دوام تاپیشی اوچون مملکتی‌نینگ سعی-حرکتیدن ایشانچ بیلدیرگن.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «بو افغانستانده مهم اوچره‌شوو یوتوق اېدی؛ سفریمیزدن اساسی مقصد افغانستانده تورلی وزیرلیک مسئوللری بیلن اوچره‌شوو اېدی، ۴۰ کیشی‌لیک هیئت تورلی بولیملردن بیز بیلن اېدی کانلر، مخابرات، ترانسپورت و باشقه اداره‌لر وزیرلری بیلن اوچره‌شدیک؛ بیز افغانستان بیلن سودا مناسبت‌لریمیزنی کېنگه‌یتیریش گه مایل میز لایحه‌لرنی عملگه آشیریش بیلن.»
صناعت و سودا وزیرلیگی مسئوللری، اولرنینگ خصوصی سکتوری و سوداگرلری گه قولی‌لیک یره‌تیب و بو شرطنامه‌لر عملگه آشیریلیشی اوچون تلاش قیلماقده‌لیکلرینی اېتگنلر.
صناعت و سودا وزیرلیگی سرپرستی‌نینگ کوپه‌یتیریشیچه، حاضرگی کونده تورلی مملکتلرنینگ سوداگرلری افغانستان گه ییتّی میلیارد دالرلیک سرمایه یاتقیزیش وعده‌سینی بیرگن.
