قندوز محلی مسئوللری گه کوره، سپین‌زر شرکتی نینگ بیرقطار بولیم جهازلری بیر ییل ایچیده قیته تعمیرلنگنیدن کیین، اوشبو شرکت چهارشنبه کونی، ۲ حمل، رسمی روشده فعالیت گه باشله‌گن.
سابق دولت مالیه وزیرلیگی، ۱۳۹۸_ییل ده قندوز سپین‌زر دولتی شرکتینی فعال قیلیش اوچون، اوزبیکستان دن یاغ ایشلب چیقریش بیش جهاز ساتیب آلیب و اوشبو جهازلر قریب ۱۰ آی دن کیین قندوز گه ییتیب کیلگن ایدی.
گرچند سابق حکومت دوری ده یاغ ایشلب چیقریش بولیمی فعال بولگن بولسه ده، بیراق اوروش‌لر دوامی و سونگی اوزگریش‌لر باعث فعالیتی قیته دن توخته‌تیلدی.
بیزلرنینگ فیسبوک صحیفه‌میزگه باش اورینگ!
اسلام امیرلیگی حاکمیتیدن کیین، مسئوللر ینه بیر مراتبه مذکور فیرمه نینگ برچه بولیم‌لرینی فعال قیلیش مقصدیده اقدام قیلیب و اوشبو فیرمه جهازلرینی فعال قیلیش گه قوشیمچه، بنالرینی قیته تعمیرله‌گنلر.
مالیه وزیرلیگی دولتی شرکت‌لر عمومی باشلیغی عبدالحمید آخوندزاده نینگ ایتیشیچه، اولر سونگی بیر ییل ده اوشبو شرکت نینگ بوزیلگن بولیم‌لری و جهازلرینی قیته تعمیرلب و فعال قیلیشگن.
اونگه کوره، حاضر پخته، صابون، یاغ، زغیر، کونجوت، قول رومالی و موز(یخ) ایشلب چیقریش آلتی بولیمی فعال بولیب وایشگه باشله‌گن.
جناب آخوندزاده نینگ کوپه‌یتیریشیچه، مذکور شرکت نینگ فابریکه‌لرینی تعمیرلش و فعال قیلیش اوچون دولت خزینه‌سیدن، ۵۰۰ مینگ امریکالیک دالر صرفلنگن.
شونینگدیک، قندوز یشاوچیلریدن قطاری، قندوز سپین‌زر تولیدی فابریکه‌لری قیته فعال بولیشیدن خورسندلیک قیلماقده‌لر.
بیزلرنینگ توییترده هم تعقیب قیلینگ!
قندوز یشاوچیلریدن محمدعباس و عبدالرحیم نینگ ایتیشلریچه، مملکت اقتصادی ترقیاتی اوچون اوشبو شرکت نینگ فعال بولیشی مهم دیر.
اولر نینگ ایشانچی گه کوره، اوشبو فابریکه‌لر فعال بولیشی بیلن یوزلب کیشی گه ایش زمینه‌سی یره‌تیلگن.
مذکور ولایت یشاوچیلری حکومت دن، مملکت اقتصادی ترقیاتی و اولکه یشاوچیلری گه ایش فرصت‌لری یره‌تیلیشی اوچون، اوتگن ۲۰ ییل ده غیرفعال بولگن شرکت‌لرنی فعال قیلیشینی سوره‌یدیلر.
قندوز سپین‌زر شرکتی ۱۳۱۴_ییل ده «شرکت شمالی» آتیده قوریلیب و کیین ایسه ۱۳۳۹_ییل ده سپین‌زر آتی گه اوزگرتیریلدی. او زمان ده اوشبو شرکت ده یاغ، صابون، چینی ایشلب چیقریلر ایدی. بیراق ایچکی اوروش‌لر سبب برچه بولیم‌لری غیرفعال بولیب و ایشلاوچیلری ایش‌سیز بولگن ایدیلر.
