پاکستان دن افغانستان‌لیک قاچقین‌لر نینگ جبر دن چیقریش جریانی گه دایر اسلام امیرلیگی و پاکستان حکومتی آره‌سیده کیسیکین‌لیک‌لر اوج آلماقده ایکن، ینگی‌لیکده پاکستان حکومتی افغانستان سوداگرلری نینگ توارلری یوکلنگن موترلر گه چیکلاو یره‌تگن.
پاکستان افغانستان نینگ یوک تاشووچی موترلری هیداوچیلری نینگ پاسپورت و ویزه‌سی بولیشنی جبری قیلیش بیلن، اوشبو مملکت ده افغانستان سوداگرلری نینگ توارلری یوکلنگن مینگلب موترنی توخته‌تگن. بوندن آلدین ۲۱ نومبر گچه، افغانستان نینگ یوک تاشووچی موتر هیداوچیلری پاکستان و افغانستان حکومت‌لری نینگ کیلیشووی گه بناً، پشاور شهری گه قدر باره آلر ایدیلر.
تورخم بندری ده افغانستان یوک تاشووچی موتر هیداوچیلری دن شهزاد میر نینگ سلام‌وطندار گه ایتیشیچه: «بوندن آلدین، ویزه‌سیز پاکستان گه بارر ایدیک و حاضر ویزه و پاسپورت بولیشی جبری قیلینگن، بو مسئله بیزنی قیینچیلیک بیلن روپه‌ره قیله‌دی، حکومت دن بوتوغریده بیز گه یاردم بیریشینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
تورخم بندری ده افغانستان یوک تاشووچی موتر هیداوچیلری دن باشقه بیری شکور گه کوره: «حاضر بیز دن پاسپورت و ویزه سوره‌یدیلر، بو مسئله بیزنی تورلی خیل قیینچیلیک بیلن روپه‌ره قیله‌دی.»
سوداگرلیک و صناعت اتاقی مسئوللری، پاکستان دولتی تامانیدن افغانستان سوداگرلری گه یره‌تیلگن چیکلاولر دن خواطر بیلدیره‌دیلر.
سوداگرلیک و صناعت اتاقی نینگ مدیره هیئت اعضاسی خان‌جان الکوزی نینگ سلام‌وطندار گه ایتیشیچه: «بیرینچیدن بیر کیشی گه نیچه آی‌گچه ویزه بیریلمه‌یدی و ایکینچیدن تازه میوه و صادرات وقتی‌میز دیر، وضعیت کیسکین دیر، بیز نیچه مرته بو قیینچیلیک حل بولیشنی سوره‌دیک لیکن حاضرگچه حل بولگن یوق.»
باشقه تاماندن، اقتصادی ایش بیلرمان عبدالنصیر رشتیا، پاکستان تامانیدن افغانستان سوداگرلری و ترانزیتی گه یره‌تیلگن چیکلاولرنی، ایکی مملکت نینگ آلیش_بیریش زیانی گه دیب بیله‌دی.
او نینگ کوپه‌یتیریشیچه: «افسوس بیلن پاکستان‌لیک‌لر برچه مسئله‌لرنی سیاسی نقطه دن کوره‌دیلر، سیاسی مسئله‌لر کیسکین‌لشگن حالده، چیگره ده قیینچیلیک تاپیله‌دی، افغانستان هیداوچیلری گه ویزه جبری قیلینیشی شبهه‌سیز افغانستان و پاکستان نینگ سوداگرلیک مناسبتی اوستیگه سلبی تاثیر قیلیب و افغانستان نی باشقه یول قیدیریش گه مجبور قیله‌دی.»
بیزلرنینگ «ایکس» ترماغی ده هم تعقیب قیلینگ!
برچه‌سی بیلن، اسلام امیرلیگی پاکستان دولتی تامانیدن افغانستان سوداگرلری نینگ توارلری گه یره‌تیلگن چیکلاولر حل ایتیلیشیدن ایشانچ بیره‌دی.
اسلام امیرلیگی سوزلاوچیسی ذبیح‌الله مجاهد گه کوره، بو قیینچیلیک حلی اوچون پاکستان تامانی بیلن مذاکره قیلماقده‌لر.
اسلام امیرلیگی سوزلاوچیسی، افغانستان سوداگرلری نینگ توارلرینی باشقه یول بیلن انتقال بیریش اوچون سعی‌وحرکت قیله‌یاتگنلریدن خبر بیره‌دی.
اونگه کوره: «پاکستان بو قیینچیلیک حل ایتیلیشیدن ایشانچ بیرگن و بیز کوتیب توریب میز، افغانستان سوداگرلیک توارلرنی پاکستان یولی اورنیده باشقه یول بیلن انتقال بیریش اوچون تلاش قیلماقده.»
برچه قیینچیلیکلر بیلن، افغانستان دولتی پاکستان اورنیده چابهار کبی یوللر بیلن سوداگرلیک توارلر نینگ انتقال بیریش گه حاضرگچه اولگورمه‌گن.
