غزه ده اسرائیل و حماس کوچلری آره‌سیده اوروش دوام ایتماقده ایکن، قیزیل دینگیز ده سوداگرلیک کیمه‌لر گه یمن حوثی‌لر نینگ راکته هجوم‌لری و بو گروه گه قرشی امریکا و متحدلری نینگ حربی مناسبتی علاوه بولیشی، منطقه وضعیتینی کیسکین‌لشتیرگن.
ینگی‌لیکده، افغانستان نینگ ایکی قوشنیسی پاکستان و ایران، بیر-بیری گه قرشی حربی هجوم اویوشتیرگنلر؛ بو مسئله ایکی مملکت ایلچی‌لرینی چقیریش گه سبب بولگن.
پاکستان و ایران مناسبت‌لری عادی‌لشماقده‌لیگی ایتیلسه ده، بیراق ایش بیلرمان‌لر گه کوره، منطقه ده‌گی هر قنده‌ی کیسکین‌لیک و بحران افغانستان اوستیگه سلبی تاثیر قوییشی ممکن.
بیزلرنینگ فیسبوک صحیفه‌میزگه باش اورینگ!
خلق‌ارا مناسبت‌لر ایش بیلرمانی نورالرحمان ثاقب نینگ سلام‌وطندار گه ایتیشیچه: « منطقه ده‌گی بحران‌لر هر لحاظ دن؛ اقتصادی و سیاسی لحاظ دن افغانستان اوستیگه مستقیم تاثیر قیله‌دی، منطقه و افغانستان نینگ تورت تامانیده وضعیت کیسکین‌لشگن حالده، افغانستان [سرپرست حکومت] تن آلینیشی، اقتصاد و انسان حقلری اوستیگه تاثیر قیلیب و بو وضعیت مرکب‌لشی ممکن.»
ایش بیلرمان‌لر نینگ ایشانچی گه کوره، منطقه ده‌گی تارتیشوولر و کیسکین‌لیکلر افغانستان نینگ سوداگرلیگی اوستیگه تاثیر قیلیب و افغانستان وضعیتی گه عاید منطقه‌وی اجماع شکللنمسلیککه سبب بوله‌دی.
عین‌حالده، ایران سونگی کو‌لرده افغانستان وضعیتی گه دایر منطقه مملکت‌لر نینگ حضوری بیلن منطقه‌وی تماس گروهی شکللنیش آرتیده دیر، ایش بیلرمان‌لر نینگ ایتیشلریچه، منطقه ده‌گی بحران بو کبی تلاش‌لر نتیجه بیرمسلیککه سبب بولیشی ممکن.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان عبدالجبار اکبری نینگ ایشانچی گه کوره، افغانستان ده دنیا همجمعیت تامانیدن تن آلینگن حکومت یوقلیگی باعث، منطقه ده‌گی بحران اوچون افغانستان کوپراق زیان کوریشی ممکن.
اکبری، منطقه ده‌گی بحران‌لر دن افغانستان نینگ احتمالی زیان کوریشی حقیده ایتیشیچه: «دنیا همجمعیت تامانیدن تن آلینمه‌ی و حکومت سرپرست بولسه، هر بیر مملکت افغانستان ده یاشیرینچ گروه‌لری و حضوری بولیب، افغانستان دریزه‌سیدن قدرتینی باشقه‌لر اینیقسه رقیب‌لری گه کورسه‌تیشنی ایسته‌یدی بو مسئله افغانستان نی کوپ دن کوپ منزوی قیلیشی ممکن.»
روسیه تشقی ایشلر وزیری سرگئی لاوروف اوتگن هفته ۲۸-جدی، پنج‌شنبه کونی، مطبوعاتی ییغیلیش ده پاکستان و ایران آره‌سیده‌گی کیسکین‌لیک افغانستان بیلن بو مملکت‌لر نینگ مناسبتی اوستیگه سلبی تاثیر قویمسلیگینی ایتگن ایدی.
اسلام امیرلیگی، منطقه ده‌گی بحران‌لر گه حاضرگچه طرف‌سیزلیک اختیار قیلگن، پاکستان و ایران ارا تارتیشوو مسئله‌سیده بو ایکی مملکت دولت‌لریدن بیر-بیراوی برابری ده جدی یانده‌شمسلیک‌لرینی سوره‌گن.
