بلخ ولایتی نینگ دولت‌آباد تومنی رسمی‌لری نینگ ایتیشلریچه، طالبان تامانیدن پارتلش ماده یوکلنگن موتر اوشبو تومن پولیس قومندانلیگی‌گه ییتیشمسدن آلدین امنیتی کوچلر تامانیدن هجوم آستیگه قرار بیریلیب پارتله‌تیلگن و نتیجه‌ده ۴ کیشی هلاک و باشقه ۱۸ کیشی یره‌لنگن. محلی مسوول‌لرنینگ ایتیشلریچه، اوشبو واقعه محل یشاوچی‌لریگه ۱۵ میلیون افغانی زیان ییتیشتیرگن.
دولت‌آباد تومنی ولسوالی جلال‌الدین قاری‌زاده نینگ سلام‌وطندارگه ایتیشیچه، مذکور پارتلشده ۴۵ مسکونی اوی و ۷ دولتی نهاد تخریب بولگن و تخمینی شکلده اهالی و دولتی نهادلرگه ۱۵ میلیون افغانی زیان ییتیشگن.
دولت‌آباد تومنی ولسوالی نینگ کوپه‌یتیریشیچه، اوشبو واقعه‌ده ایکی باله، بیر یاش‌لی ایرکک و بیر ملی خوفسیزلیک افسری هلاک و باشقه ۱۸ کیشی یره‌لنگن دیر.
عین‌حالده، بلخ پولیس قومندانلیگی سوزلاوچیسی عادل‌شاه عادل نینگ سلام‌وطندارگه ایتیشیچه، طالبان گروهی پارتلش ماده یوکلنگن بیرهاموی تانگ آرقه‌لی دولت‌آباد پولیس قومندانلیگی‌نی هجوم آستیگه قرار بیریش‌گه قصد قیلگن، لیکن مذکور هاموی مقصد ده ییتیشمسدن آلدین امنیتی کوچلر تامانیدن تانیلیب و هجوم آُستیگه قرار بیریلگن.
بلخ پولیس قومندانلیگی سوزلاوچیسی نینگ کوپه‌یتیریشیچه، اوشبو واقعه‌ده ۳ تینچ اهالی هلاک و باشقه ۱۸ تینچ اهالی یره‌لنگن.
طالبان گروهی حاضرگه‌قدر بوتوغریده فکر بیلدیرمه‌گن.
