پکتیا ولایتی لجه‌منگل تومنی یشاوچیلری نینگ ایتیشلریچه، اوشبو تومن ساغلیق مرکزلری یشش منطقه‌لردن اوزاق‌ده قوریلگن و اولر کسل‌لری نینگ انتقال بیریشلری پیتده، کوپینچه قیین‌چیلیک بیلن روپهره بولیب، کسل‌لری نینگ وقتیده کلینیک گه انتقال بیره آلمه‌یدیلر.
لجه‌منگل تومنی‌ده‌گی «توشنک» کلینیگی گه کسلی نی کیلتیرگن شین‌گل نینگ ایتیشیچه، اوشبو کلینیک‌ده دارو و ملَکه‌لی شفاکار یوق دیر.
اونینگ کوپه‌یتیریشیچه: «کوکلم موسومیده دریا سووی کوپه‌یگنی‌ده، کسل‌لریمیز نی وقتیده کلینیک گه انتقال بیره آلمه‌یمیز. قیش موسومیده ایسه قار یاغیب و هر ییر موزلنه‌دی. سرک مکمل شکلده یاپیله‌دی و کسلی‌میز نی وقتیده کسل‌خانه گه انتقال بیره آلمه‌یمیز. کوپینچه پیت اهالی کسل‌لری نی تخته آستی یا-ده آت‌ده کسل‌خانه گه انتقال بیره‌دیلر.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، مذکور کلینیک گه کسلی نی کیلتیرگن مهربان نینگ سلام‌وطندار گه ایتیشیچه، اهالی‌دن کوپینچه‌سی تاغ‌لر و مرکزدن اوزاق تومن‌لرده حیات کیچیره‌دی و کلینیک‌لرده امبولانس یوقلیگی سبب، عاجل کسلی‌میز نی مرکزی یا-ده کلینیک‌لر گه انتقال بیره آلمه‌یمیز.
اونینگ کوپه‌یتیریشیچه: «تورت ته اتاقی بولگن بیر کلینیگی‌میز بار. شفاکار و دارو گه نیازی‌میز بار. عاجل کسلی‌میز بولگنی پیتده، کسل‌خانه‌ده درمان بولمه‌گنی صورت‌ده، یولده وفات قیله‌دی. ایکی-اوچ عیال یولده وفات قیلدی. گردیز گه هم ییتیشه آلمه‌یمیز و شهر نو کسلخانهسی گه هم، کسل‌لر یولده وفات قیله‌دی. انه شوو سبب، کلینیک‌ده ینه تورت اتاق بیلن صفت‌لی دارو گه نیازی‌میز بار.»
لجه‌منگل تومنی یشاوچیلری گه کوره، تومن مرکزی نینگ مواصلاتی یولی یانیده، دریا بار و قیش موسومیده هیچ بیر موتر اوته آلمه‌یدی که، انه شوو سبب کسل‌لردن کوپینچه‌سی یولده جان بیره‌دی.
پکیتا ساغلیق‌نی سقلش مسئوللری، لجه‌منگل تومنی یشاوچیلری نینگ قیین‌چیلیکلری نی تصدیق‌لب و اونینگ حل بولینیشی خصوصیده سوز بیره‌دیلر. پکتیا ساغلیق‌نی سقلش باشلیغی خیرمحمد منصور نینگ ایتیشیچه، «ادا» مؤسسه‌سی نینگ یاردمی بیلن، لجه‌منگل کلینیک‌لری شامل اوشبو ولایت‌ده‌گی برچه ساغلیق مرکزلر گه نیاز بولگن دارو‌لر یوباریلگن دیر.
بیزلرنینگ فیسبوک صحیفه‌میزگه باش اورینگ!
اونگه کوره، اینگ یقین‌ده پکتیا نینگ اوزاق منطقه‌لریده ۱۵ ینگی ساغیق مرکز نینگ قوریلیشی ممکن. اونینگ کوپه‌یتیریشیچه: «تورلی‌خیل کلینیک و کسل‌خانه‌میز بار جمله‌دن، RH، CHC، DH، BHC. ولایتی کسل‌خانه، تومن کلینیگی، اجتماعی کلینیک، دستلبکی ساغلیق مرکز، فرعی مرکز و کمکی پست‌لریمیز بار؛ بیراق امبولانس یالغیز RH، DH و CHC کسل‌خانه‌لری گه بیریلگن. RH، DH و CHC کسل‌خانه‌لریده امبولانس بار و ییترلیچه خذمت‌لر ارائه بولدی؛ لیکن BHC کلینیک‌لری اوچون امبولانس بیره آلمه‌یمیز.»
لجه‌منگل پکتیا نینگ تومن‌لریدن بیری دیر که، اوتگن ۲۰ ییل‌ده اوشبو تومن‌ده ساغلیق، تعلیمی و قیته قوریلیش بولیم‌لریده، ییترلی درجه‌ده اعتبار قره‌تیلمه‌گن.
لجه‌منگل تومنی یشاوچیلری نینگ ایتیشلریچه، اوشبو تومن نینگ اداری بنالری گردیز-سمکنی نینگ اصلی سرکی یانیده قوریلگن و تومن مرکزی نینگ ۲۰ کیلومترلیک سرکی اهالی نینگ حیات کیچیره‌دیگن منطقه‌سی گه قدر، یامان بیر وضعیت‌ده قرار تاپیب و بو مسئله اولر نینگ کوپینچه قیین‌چیلیک بیلن روپهره قیلگن.
