دایکندی ولایتی نینگ بیر قطار تومن‌لریده‌گی دهقانلر، ایکین‌زارلریده اوسیم‌لیک آفتلری کوپه‌یگنیدن خواطر بیلدیریب و ایتیشلریچه، مذکور آفتلر ایکین‌زارلریگه کوپینچه زیان ییتکزگن. اوشبو دهقانلر گه کوره، اونلب جریب ایکینچیلیک ییر حاصلاتی اوسیم‌لیک آفتلری نتیجه‌سیده، اورته‌دن کیتگن.
دایکندی ولایتی اشترلی تومنی‌ده‌گی دهقانلردن بیری جاوید زاهدی نینگ سلام‌وطندار گه ایتیشیچه، اوسیم‌لیک آفتلری نیچه جریب ایکین‌زاری گه زیان ییتکزگن. اونینگ کوپه‌یتیریشیچه: «هر بیر ایکینی‌میز بیر تورلی آفت بیلن روپه‌ره بوله‌دی. تورلی‌خیل قورت‌لر بار اوسیملیکلر گه زیان ییتیشتیره‌دی. بیر قطار دارو‌دن قوللنه‌میز، بیراق هیچ بیری فایده‌لی بولمه‌گن و ایکین‌زارلریمیز اورته‌دن کیتگن. بو یی ایکینچیلیک ییرلریمیزدن حاصل قولگه کیلتیره آلمه‌دیک.»
بیزلرنینگ فیسبوک صحیفه‌میزگه باش اورینگ!
زاهدی گه کوره، آفتلر تورلی سبزه‌وات و میوه‌لر گه هجوم قیلیب؛ اوسیملیکلر نینگ ریشه، ساقه و برگ‌لرینی اورته‌دن کیتکزگن. او مسئوللردن اوشبو آفتلر گه قرشی کوره‌ش خصوصیده اقدام قیلیب و ایکینچیلر بیلن همکارلیک بولینیشی نی ایسته‌گن.
شونینگدیک دایکندی ولایتی خدیر تومنی‌ده‌گی دهقانلردن باشقه بیری حبیب نینگ ایتیشیچه، سونگی اوچ آی‌ده، آفتلر و حشره‌لر نظیری کوریلمه‌گن درجه‌ده ایکین‌زارلریگه هجوم قیلیب و ۵۰ مینگ افغانی‌گچه زیان کورگن. «هرچند دارو‌دن قوللندیک، لیکن بو آفتلرنی اورته‌دن کیتکزه آلمه‌دیک. بوغدای‌ده سریغ‌لیک و کویه کبی آفتلر بار که ایکین‌زارلر، سبزه‌واتلر، جواری، شبدر و پیازنی اورته‌دن کیتکزه‌دی.»
اونینگ کوپه‌یتیریشیچه، نهادلردن قطاری تنباکو قیزیل قلمپیر نینگ قینه‌تیلگنی نی ییچیم یول صفتیده پیشهاد بیرگنلر که آفتلر آلدینی آلیش خصوصیده بیراز ایش گه یره‌‌گن. شونیندیک مذکور ایکینچی گه کوره، ایکینچیلر اقتصادی نقطه‌ی نظری‌دن ضعیفلر و بو توغریده مسئول نهادلر نینگ یاردمی و آفتلر گه قرشی کوره‌ش خصوصیده آگاهی‌لیککه نیازلری بار.
شونده‌ی بیرحالده، دایکندی ایکینچیلیک ایش بیلرمانلریدن دوست‌علی وفا، اوشبو ولایتده اهالی ایکین‌زارلری گه آفتلر نینگ زیان ییتیشتیرگنی نی تصدیق‌لب ایتیشیچه، جاری ییلده کویه و حشره‌لر اونلب جریب ایکینچیلیک ییرلرنی بوزیب و کوپینچه زیان گه سبب بولگن. مذکور ایکینچیلیک ایش بیلرمانی برداشلی و میوه‌لی اوسیملیکلر نینگ ایکیلیشی و ایکیش زمانی‌گه اعتبار قره‌تیش نی، ایکین‌زارلر گه کسل‌لیکلر و اوسیم‌لیک آوفتلری هجومی آلدی آلینیشی خصوصیده اونملی اقداملردن بیله‌دی.
بیزلرنینگ «ایکس» ترماغی ده هم تعقیب قیلینگ!
دوست‌علی وفا نینگ کوپه‌یتیریشیچه: «آفتلر کنترول بولیشی اوچون میخانیکی و بیولوژیکی اقداملر نینگ انجام بیریلیشی کیره‌ک. اهالی آفتلر گه قرشی توخته‌ش خصوصیده قول و بیر قطار اوسکونه‌لر بیلن سعی‌وحرکت قیلیشلری کیره‌ک. بو روشلر فایده‌لی بولمه‌گنی صورت‌ده، اینگ آخرگی روش صفتیده کیمیاوی دارو‌لردن قوللنیش کیره‌ک.»
شونینگدیک دایکندی ایکینچیلیک، سووغاریش و چاروه‌چیلیک ریاستی نینگ اوسیم‌لیکلرنی سقلش بوییچه عمومی مدیری خیرمحمد فرهنگ، مذکور ولایت خدیر، سنگتختوبندر، اشترلی، کجران و کیتی تومن‌لریده دهقانلر ایکین‌زارلری گه آفتلر هجومی‌دن کوپینچه شکایتلر نینگ ییتیشگنی نی تصدیق‌لب ایتیشیچه، تورلی‌خیل آفتلر جمله‌دن لشکری، خیمه‌ساز و پدلی کویه بیلن اوسیم‌لیک شیره‌سی کبی تورلی آفتلر ترقه‌لگن.
جناب فرهنگ نینگ کوپه‌یتیریشیچه، اوشبو اداره جاری ییلده مینگ‌لب هکتار ییرده ایلدیز قورتی، غله‌جات آفتلری و سیچقان گه قرشی کوره‌شگن. اونگه کوره: «۱۴۰۳-ییلده اوسیم‌لیک آفتلر گه قرشی کوره‌ش اوچون ۱۹۲۰ نسخه دارو ترقه‌تگن‌میز و شونینگدیک بازارلرده کلینیک‌لر آرقه‌لی باشقه ۱۳۰ نسخه ترقه‌لگن. بونگه قوشیمچه حاضرگچه ۳۱۸۷ دهقان و باغدار گه آفتلر گه قرشی کوره‌ش و کنترول قیلیش توغریسیده تعلیم بیرگن‌میز.»
ایتیش کیره‌ک که، ایکینچیلیک کسللیکلری و آفتلری گه قرشی کوره‌ش اوچون حکومت سعی‌وحرکت قیلگنی بیرحالده، بیراق اوشبو تلاشلر ایکین‌زارلر گه آفتلر هجومی آلدی آلینیشی توغریسیده فایده‌لی بوله آلمه‌ی و مذکور اوسیم‌لیک آفتلر مملکت بویلب ایکینچیلیک حاصلاتی نینگ اورته‌دن کیتیشی گه سبب بولگن.
